Новости за 13.03.2024

Бүген Актаныш районы Татар Суыксуы авылында «Агыйдел» кооперативының ярым әзер ит продукциясен җитештерү цехы ачылды. Бу хакта «Актаныш» сайтында хәбәр ителә.

Узган ел "Шагыйрь көндәлеге" дип исемләнгән нәфис фильм дөнья күрде. Ул Башкорстанның халык шагыйре Рәми Гарипов турында. Аны ошатучылар да шагыйрьнең совет пропагандасы вакытында тел өчен көрәше күрсәтелмәде дип тәнкыйтьләде. Кем ул Рәми Гарипов һәм аның көрәше бүген ни өчен әһәмиятле?

Казанда төрле тематик ифтарлар уза. Бүген Республика балалар клиник хастаханәсендә медицина ифтары үткәрелде. Анда «Татар-информ» хәбәрчесенә яңа төзелгән мәчеткә «Әбугалисина» исеме бирелүе билгеле булды.

12 март көнне Бардада «Xl Ягъфәров укулары» һәм « Барда малае», «Барда кызчыгы» фестиваль-конкурсларын йомгаклау тантанасы узды. Бу хакта Бөтендөнья татар конгрессы матбугат хезмәте хәбәр итә.

Рамазан алдыннан Гыйракта Коръән укучыларның халыкара конкурсы узды, ул Гыйрак хөкүмәте ярдәме белән оештырылды. Бу хакта Россия Мөфтиләр шурасы сайтында хәбәр ителә.

Яшел Үзәннең Мәдәни үсеш үзәгендә «Җомга марафоны» узды. Чараның максаты барлык яшьтәге ватандашларга мөселман дине һәм татар теленең бердәмлеген аңлатудан гыйбарәт иде, дип хәбәр итә проектны оештыручылар.

Республиканың сайлау участокларында Татарстан җитештерүчеләренең продукциясен 25 процентка кадәр ташлама белән сатачаклар. Татарстан Премьер-министры урынбасары Ләйлә Фазлыева туры эфир вакытында шулай дип белдерде.

Җомга көнне, 15 мартта, РФ Президентын сайлаудан тыш, «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль проекты кысаларында төзекләндерү өчен объектлар сайлау буенча Бөтенроссия күләмендә тавыш бирү башлана. Бу хакта ТР Төзелеш, архитектура һәм ТКХ министрлыгының матбугат хезмәте хәбәр итә.

Россия Президентын сайлауда тавыш биргән Татарстан сайлаучыларына «Бөтен гаилә белән - сайлауга» дип язылган беләзекләр тапшырылачак. Элегрәк мондый тәҗрибә Казанда гына кулланыла иде, дип белдерде Татарстан Премьер-министры урынбасары Ләйлә Фазлыева туры эфир вакытында.

Кинорежиссер Салават Юзеев һәм продюсер Миләүшә Айтуганова Шиһабетдин Мәрҗани турында кино проекты тәкъдим итте. Тулы метражлы нәфис фильм Татарстан һәм Үзбәкстан арасында копродукция буларак күзаллана.

2023 ел нәтиҗәләре буенча россиялеләр, гражданнар фикеренчә, пенсиядә көн итү өчен иң яхшы 10 шәһәрне атады. Өлкәнәйгәч, алар Сочига (гражданнарның 26 проценты шушы шәһәрне билгеләп үткән), Краснодарга (19 процент) һәм Анапага (18 процент) күчеп китәргә тели. Бу хакта «Российская газета» яза.

ТР Дәүләт җыр һәм бию ансамбле Россия шәһәрләре буенча турне ясый. Гастрольләр 11-18 апрель көннәрендә узачак.

«Лукойл» гавәми акционерлык җәмгыятенең вице-президенты Виталий Робертус 53 яшендә кинәт вафат булган. Бу хакта компаниянең матбугат хезмәте хәбәр итә.

«Премиум-95» маркалы бензинның бәясе күтәрелде – хәзер бу ягулыкның тоннасы 60,5 мең сумнан артыграк тора. 2023 елның 29 сентябрендә дә аның бәясе шундый иде.

Татарстанда диспансеризация үтү процессы уңайлырак булачак. ТР сәламәтлек саклау министры Марсель Миңнуллин Казан шәһәре Сәламәтлек саклау идарәсенең йомгаклау коллегиясендә шулай дип белдерде.

Татарстанның халык артисты Салават Фәтхетдинов гамәлдәге дәүләт башлыгы Владимир Путинның төбәк сайлау штабы волонтерлары белән республикада иҗади хәрәкәтне үстерү мәсьәләләре, Россия Президентын сайлау алдыннан мәдәни инициативалар һәм проектлар хакында фикер алышты.

Татарстан кинематографиясенең 100 еллык юбилей тантанасы инсценировкасы 1927 елда төшерелгән «Булат батыр» фильмы тарихыннан башланып, Байбулат Батулланың 2023 елда прокатка чыккан «Ядәч» фильмыннан видеоөзекләр белән төгәлләнде.

31 мартта Казанда узачак Fashion Iftar кысаларында Палестина темасына багышланган махсус кием коллекциясе тәкъдим ителәчәк. Бу хакта оештыручылар «Татар-информ» мәгълүмат агентлыгында узган матбугат очрашуында сөйләде.

14 мартта РФ Президенты Владимир Путин видеоэлемтә буенча Хөкүмәт әгъзалары белән киңәшмә үткәрә.

«Минзәлә» газетасы баш мөхәррире Илдус Шаһиев почта эшчәнлегенә карата фикерен белдерде.

Чираттагы мәхкәмә утырышы 27 март көнне булачак. Мифтаховның хатыны Елена Горбань бу көнне хөкем карары да чыгарга мөмкин дип фаразлый. Шул ук вакытта галимнең адвокаты Елена Сидоркина "Азат иректән мәхрүм итү белән бәйле җәзадан кача алмас дип уйлыйм", диде.

Әгәр казанлылар автомобильнең тиешсез урында торуын күрә икән, аларга ЮХИДИ идарәсенә мөрәҗәгать итәргә кирәк. Бары тик Дәүләт автоинспекциясе хезмәткәрләре генә кагыйдә бозуны терки һәм тиешле чаралар күрә ала.

2013 ел белән чагыштырганда, татарча бюлетеньнәр саны 31 процентка азрак әзерләнгән.

Бу ялларда Казанда традицион язгы авыл хуҗалыгы ярминкәләре башлана, алар 28 апрельгә кадәр дәвам итәчәк. Шәһәр халкына азык-төлек продукциясен социаль бәяләр буенча тәкъдим итәчәкләр. Ассортиментта ит продуктлары, яшелчә һәм ярдәмче хуҗалык ихтыяҗлары өчен товарлар булачак. Бу хакта Казан мэриясе матбугат хезмәте хәбәр итә.

11 мартта Ульяновск өлкәсенең Зур Нагаткино эшчеләр бистәсе мәчетендә быелгы Рамазан аенда беренче ифтар узды. Бу хакта РФ мөселманнары Диния нәзарәтенең матбугат хезмәте хәбәр итә.