Совет районы хәрби комиссариаты мобилизациягә алынганнарга УАЗ машиналары тапшырды
Бүген Казанның Совет районы хәрби комиссариаты исеменнән «Казан Экспо»дагы мобилизацияләнүчеләргә гуманитар ярдәм төялгән УАЗ-2206 «буханка» машиналары тапшырдылар. Бу хакта Казанның Совет районы администрациясе телеграм-каналында хәбәр иттеләр.
Фото: © Казанның Совет районы администрациясе
«Бу гади транспорт чарасы гына түгел, ул Бөек Ватан сугышы һәм гражданнар сугышына бәйле эзләнү экспедицияләренә 7 тапкыр барган кадерле һәм истәлекле машина! Ул һәрвакыт кире кайтты. Хәзер дә безнең егетләр белән кайтачак», – дип хәбәр итте Совет районының хәрби комиссары Илһам Мидхәтов.
Шулай ук район администрациясендә ПАТП-2 хезмәткәрләренә машинаны әзерләүдә һәм техник хезмәт күрсәтүдә ярдәмнәре өчен рәхмәт белдерделәр.