Сурхондарё вилояти Олтинсой туманидаги лалми ерларда узум етиштирадиган фермерларга қисқа муддат ичида ғалла қабул қилиш пунктига 300 килограммдан буғдой топшириш вазифаси юклатилди. Бу ҳақда хабар берган фермерларнинг айтишларича, туман ҳокимлигидан ҳар бир фермерга телефон қилган мулозим, ҳокимнинг топшириғини бажариш шарт эканлигини таъкидлаган. Туман Фермерлар кенгаши ҳам бу хабарни тасдиқлади.
