Мэттис: Трамп Афғонистон бўйича ҳарбийлар таклиф қилган стратегияни қабул қилди
20 август куни Иорданияга қилган сафари пайтида бу ҳақда гапирган Мэттис, янги стратегия тафсилотларини очиқламади.
“Президент қарор қабул қилди ва у бу ҳақда баёнот беради”, деди Мэттис.
Мудофаа вазирининг бу баёноти Оқ Уй Трамп 21 август куни Америка халқига жиддий мурожаат билан чиқиш қилишини билдирганидан сўнг янгради.
21 август куни Дональд Трампнинг Афғонистон ва Жанубий Осиёда АҚШнинг ҳозирлиги масаласида Вашингтон яқинидаги Форт Майер базасида нутқ сўзлашги кутилмоқда.
Маҳаллий вақт билан соат 21да сўзланадиган ушбу нутқ телеканаллар орқали трансляция қилинади.