Ўзбекистон ва Қозоғистон илк маротаба ҳарбий ҳамкорлик режасини имзолади
Sputnik нашрининг 20 августда хабар беришича, ҳужжат Қозоғистон мудофаа вазири Сакен Жасузаковнинг Тошкентга қилган сафари доирасида Ўзбекистон мудофаа вазири Қобул Бердиев билан бўлиб ўтган учрашуви пайтида имзоланди.
Озодлик радиоси аввалроқ президент Шавкат Мирзиёев 17 август куни Тошкентга амалий сафар билан келган Қозоғистон мудофаа вазири Сакен Жасузаковни қабул қилгани ҳақида хабар берган эди.
“Тошкентда бўлиб ўтган учрашувда томонлар ҳамкорликнинг истиқболли йўналишларини ҳамда ҳудуд хавфсизлигига таҳдид солиши мумкин бўлган вазиятларда тезкор ҳаракат қилиш борасида ўзаро амалий ҳамкорлик масалаарини муҳокама қилишди”, дейилади хабарда.