ОАВ: Трампнинг собиқ маслаҳатчисига Гуленнинг экстрадицияси учун 15 млн доллар таклиф қилинган

11.11.2017 22:30

Zamin.uz

The Wall Street Journal нашрининг ёзишича, Туркия АҚШ президенти Дональд Трампнинг миллий хавфсизлик бўйича собиқ маслаҳатчиси Майкл Флинн ва унинг ўғли Кичик Майкл Флиннга турк мухолифатчиси Фатҳулла Гуленнинг экстрадиция қилинишидаги ёрдам учун 15 млн доллар таклиф қилган.

Нашрнинг манбалари маълумотларига кўра, Флинн ва Анқара вакиллари 2016 йил декабрда Манхэттендаги “21” номли ресторанда учрашишган. Бу учрашув вақтида Гуленнинг Туркияга топширилиши масаласи муҳокама қилинган. Флинн бу вақтда ҳали Оқ уйда ишламаган.

ФҚБ ушбу учрашув бўйича 4 кишини сўроқ қилган. Манбалардан бирининг маълум қилишича, томонлар Гуленнинг шахсий самолётда Имрали оролига куч билан етказилиши имкониятини муҳокама қилишган. Бироқ нашрга бу маълумотни берган манбалар ушбу учрашувда шахсан иштирок этишмаган ва бу ҳақда Флинн ёки унинг ёрдамчиларидан бирор маълумотга эга бўлишмаган.

Нашрнинг маълум қилишича, айни вақтда ФҚБ ушбу ишнинг терговини Россиянинг АҚШдаги сайловларга эҳтимолий аралашувини тергов қилаётган махсус прокурор Роберт Мюллерга топширган. Шунингдек, Флинн бирор пул олгани-олмаганининг исботи йўқ.

Яна бир манбанинг маълум қилишича, Флинн Трампнинг маслаҳатчиси бўлиб ишлаган кезларда ўзининг Оқ уйдаги мавқеидан фойдаланиб, Гуленнинг Туркияга қонуний асосларда топширилишига эришмоқчи бўлган.

Флинн ва унинг ўғлининг адвокатлари нашрга изоҳ беришдан бош тортишган.

Нашрнинг эслатишича, Флинн Трампнинг маъмуриятида ишлашидан олдин Туркиянинг АҚШдаги манфаатларини қўллаб-қувватлаб келган.

Гулен Туркия президенти Ражаб Тоййиб Эрдўғаннинг сиёсий рақиби ҳисобланади ва охирги йилларда АҚШда яшаб келади. Туркия ҳукумати Гуленни ўтган йил Туркияда амалга оширилган давлат тўнтарувига уриниш ташкилотчиси деб ҳисоблайди.

Читайте на сайте

Smi24.net — ежеминутные новости с ежедневным архивом. Только у нас — все главные новости дня без политической цензуры. Абсолютно все точки зрения, трезвая аналитика, цивилизованные споры и обсуждения без взаимных обвинений и оскорблений. Помните, что не у всех точка зрения совпадает с Вашей. Уважайте мнение других, даже если Вы отстаиваете свой взгляд и свою позицию. Мы не навязываем Вам своё видение, мы даём Вам срез событий дня без цензуры и без купюр. Новости, какие они есть —онлайн с поминутным архивом по всем городам и регионам России, Украины, Белоруссии и Абхазии. Smi24.net — живые новости в живом эфире! Быстрый поиск от Smi24.net — это не только возможность первым узнать, но и преимущество сообщить срочные новости мгновенно на любом языке мира и быть услышанным тут же. В любую минуту Вы можете добавить свою новость - здесь.