«Facebook» ва «Google» ортидан «Twitter» ҳам криптовалюталарни блоклашни бошлади
Фото: «Новое Время»
«Twitter» ижтимоий тармоғи ҳам худди «Facebook» ва «Google» каби криптовалюталар ҳамда уларга боғлиқ ҳар қандай воситаларнинг рекламасига тақиқни жорий этади, деб хабар берди «Xabar.uz».
Маълумотларга кўра, «Twitter» янги қоидалар орқали бутун дунё бўйлаб «ICO»ни, токенлар савдосини ва криптовалюталар ҳамёни рекламасини блоклайди. Бундан ташқари тақиққа криптовалюталар алмашиш операцияларини реклама қилувчилар ҳам тушади, айримларига истисно бўлиши мумкин. Ўзгартириш яқин икки ҳафта ичида кучга киради.
Криптовалюталарга яқинда қўйилган тақиқ анча кутилган қадам бўлди.
Эслатиб ўтамиз, март ойининг бошида «Twitter» криптовалюта скамерларига қарши курашишни эълон қилганди ва ижтимоий тармоқда машҳур шахслар номи остида криптовалюта тақдим этаётган барча фирибгар аккаунтларни ўчириб ташлашга ваъда берган эди.