Ўзбекистон Кубогининг 1/8 финалига йўлланма олган жамоалар номи маълум бўлди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Футбол бўйича Ўзбекистон Кубогининг гуруҳ босқичи якунланди. Гуруҳ босқичининг натижаларига кўра плей-оффга йўл олган жамоалар номи аниқ бўлди. - Биринчи ўринни эгаллаган жамоалар: «Навбаҳор», «ОКМК», «Қўқон-1912», «Сўғдиёна», «Турон», «Бунёдкор»; - Иккинчи ўринни эгаллаган жамоалар: «Қизилқум», «Локомотив», «Машъал», «Андижон», «Олимпик», «Металлург». Шунингдек, улар орасига «Сурхон» ва «Шўртан» жамоалари энг яхши 3-ўринлар ичида энг яхши натижа қайд этган ҳолда қўшилди. Осиё Чемпионлар лигасининг гуруҳ босқичида иштирок этувчи клублар – «Пахтакор» ва «Насаф» ҳам мамлакат кубогидаги иштирокини айнан мана шу босқичдан бошлайди. Фото: ПФЛ 1/8 финалдан бошлаб то финалга қадар бўлган плей-офф жуфтликларига алоҳида қуръа ташланади. Гуруҳ ғолиблиги учун курашни таъминлаш мақсадида 1/8 финал босқичига қуръа ташлаш маросимида гуруҳ ғолиблари алоҳида саватда бўлади ва улар ушбу босқичда бир-бири билан, шунингдек, Осиё Чемпионлар Лигасининг гуруҳ босқичида иштирок этувчи клублар билан тўқнаш келмайди. Бир ўйиндан иборат учрашувларга ким мезбонлик қилиши қуръа ёрдамида аниқлаб олинади.