Европа нигоҳи Ўзбекистонда: Парижда йирик маданият кўргазмасига старт берилмоқда
Франция пойтахтидаги Араб дунёси институтида ташкил этилаётган «Самарқандга йўл. Ипак ва олтин мўъжизалари» кўргазмаси 23 ноябрда бошланиб, келаси йил 4 июнига қадар бўлиб ўтади.
Кўргазмада XIX – XX аср ўрталарига оид миллий тўқимачилик маҳсулотлари, либослар, безаклар, Бухоро амирлиги даврининг зардўзли чопонлари, шунингдек, Ўзбекистон давлат музейлари коллекциясидан тўпланган Туркистон авангардига оид рангтасвир асарлар ўрин олади.
«Биз халқаро аудиторияга юртимизнинг бой меросини тақдим этишдан бениҳоя хурсандмиз. Умид қиламизки, ушбу лойиҳа халқларимиз ўртасидаги маданий ҳамкорликни янада мустаҳкамлашга хизмат қилади ва шу орқали ўзбек миллатини бутун дунёга танитишда ўз ҳиссасини қўшади», — деди Саида Мирзиёева.