Самарқандда маст ҳайдовчи ЙПХ ходимларидан қочишга уринди (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Самарқанд вилояти ички ишлар бошқармаси Самарқандда маст ҳолдаги ҳайдовчи ЙПХ ходимларининг қонуний талабини бажармасдан, қочишга уринди. Бу ҳақда вилоят ички ишлар бошқармаси ахборот хизмати хабар берди. Аниқланишича, 12 декабрь куни Самарқанд шаҳри ҳудудидан ўтувчи М-37 автомобиль йўлининг 6-километрида ЙПХ ходими томонидан Cobalt ҳайдовчисига тўхташ ҳақидаги ишора кўрсатилган. Аммо ҳайдовчи ишорага риоя қилмасдан, ҳаракатда давом этган. Ходимлар патруль автомобили билан ҳайдовчининг ортидан кузатиб борган. «Қорасув массиви»да ҳайдовчини тўхтатиш чоралари кўрилган. Мазкур жараёнда ҳайдовчи томонидан ходимларга қаршилик кўрсатиш ҳолати атрофдаги фуқаролар томонидан тасвирга олинган. Алкотестер мосламаси билан текширув ўтказилганда ҳайдовчи — 1988 йилда туғилган О.Р. мастлик ҳолатидалиги аниқланган. Ҳайдовчига нисбатан белгиланган тартибда маъмурий баённома расмийлаштирилиб, унинг бошқарувида бўлган транспорт воситаси вақтинча сақлаш учун жарима майдонига жойлаштирилган.