Ортиқча овқатланиш сабаблари
Ортиқча овқатланиш ошқозонда оғирлик ҳис қилишдан ташқари, бошқа турли касалликларга ҳам олиб келиши мумкин. Бунинг 3 та асосий сабаби бор.
Психологик муаммолар. Стрессдаги одам кўп миқдорда овқатланиш орқали дам олишга ҳаракат қилади. Агар сиз стрессли даврни бошингиздан ўтказаётган бўлсангиз, очликдан эмас, балки ҳаяжондан овқатланаётганингизни билиб, камроқ овқатланишга ҳаракат қилинг. Ҳиссиётлар ва истакларни бошқариш учун спорт ва медитация билан шуғулланинг.
Заифлашган организм. Агар озиқ-овқатнинг нормал ҳазм бўлиши учун зарур бўлган витаминлар, минераллар ҳамда микроэлементлар етарли бўлмаса, озиқ-овқатга бўлган эҳтиёж ортади ва биз ортиқча овқатлана бошлаймиз.
Қовурилган ва ёғли овқатлар овқат ҳазм қилиш жараёнини секинлаштиради, шунинг учун биз керак бўлгандан кўпроқ овқатланамиз ва тўйинганлик туйғусини йўқотамиз.