Паркинсон касаллигининг келиб чиқиш сабаблари аниқланди
Айни пайтда бутун дунёда Паркинсон касаллигига чалинган 8 миллион бемор бор. Финляндия ва Хитой олимлари томонидан олиб борилган иккита мустақил тадқиқот Десулфовибрио бактериялари Паркинсон касаллиги билан боғлиқлигини ва бу бактериялар организмда қанча кўп бўлса, касаллик белгилари шунчалик оғирроқ бўлишини исботлади.
Ушбу бактериялар а-синуклеин оқсилининг тўпланишига сабаб бўлади. Тўпланган оқсил вариантлари ичак ҳужайраларида ҳосил бўлиб, у ердан вагус нерви орқали мияга ўтади .
“Бизнинг натижаларимиз ушбу зарарли бактерияларни ташувчиларни текшириш имконини беради. Шунинг учун, агар бу штаммлар инсон ичакларидан олиб ташланса, Паркинсон касаллиги билан оғриган беморларда симптомларнинг ривожланишини енгиллаштириш ва секинлаштириш мумкин” – дейди тадқиқот муаллифлари.