Сурхондарёда футболдан кейин ҳакамлар калтакланди
Кеча, 26 август куни Ўзбекистон иккинчи лигаси Сурхондарё биринчилигида «Сурхон Фарм» 1:1 «Жарқўрғон» жамоалари ўртасидаги учрашувдан сўнг ҳакам ва футболчилар ўртасида жанжал юзага келган. Бу ҳақда Сурхондарё ИИБ Ахборот хизматининг Darakchi.uz’га маълум қилди.
Хабарда айтилишича, чемпионлик учун курашаётган Жарқўрғонликлар ҳужум вақтида учрашувни тўхтатганлиги учун ҳакамга эътироз билдиришган. Жанжал миллий гвардия ходимлари томонидан тўхтатилган.
Жабрланувчиларнинг аризалари қабул қилиниб, ҳозирда ҳолат юзасидан суриштирув иши тайинланган.