Перуда ўрмон ёнғинлари давом этмоқда: 5 кишининг ўлими маълум
Якшанба кунидан бери Перунинг Апуримак минтақасида ўрмон ёнғинлари давом этмоқда, беш киши ҳалок бўлгани ва ўндан ортиқ киши жароҳатлангани маълум, дея хабар беради “Синхуа”.
Мамлакатнинг жанубий минтақасида ёнғинлар 200 гектардан ортиқ майдонни қамраб олган. Ўт ўчирувчилар, полиция, муниципал хавфсизлик ва армия ёнғинни ўчириш устида ишламоқда, бироқ ҳозирча уни ушлаб туришнинг имкони бўлмади.
Ҳозирда беш киши ҳалок бўлгани, 12 киши яралангани ва икки нафар бедарак йўқолганлиги маълум.