Ўзбекистондан хорижга парвозлар географияси кенгайтирилган
2023 йилнинг январь-сентябрь ойларида Ўзбекистон аэропортларида 59 700 та ҳаво кемаларига ҳамда 7 290,5 минг йўловчига хизмат кўрсатилди. Бу ҳақда транспорт вазирлиги хабар берди.
- Истанбул, Дубай, Франкфурт, Сеул каби халқаро аэропортлардан Ўзбекистон шаҳарларига парвозлар ҳажми кескин оширилди.
- Истанбулдан Тошкент, Фарғона, Самарқанд, Бухоро ва Урганч аэропортларига ҳафталик парвозлар частотаси 14 тадан 64 тага;
- Дубайдан Тошкент, Фарғона ва Самарқанд халқаро аэропортларига ҳафталик парвозлар частотаси 6 тадан 28 тага;
- Сеул ва Тошкент йўналишидаги авиақатновлар 8 тадан 14 тага;
- Тошкентдан Франкфурт халқаро аэропортига парвозлар 1 тадан 4 тага оширилди.
Ўзбекистонга келувчи хорижий сайёҳларга қулайлик яратиш, уларга танлаш имконини тақдим этиш мақсадида “Uzbekistan airways” AJ Turkish airlines, Air Baltic, Malaysian airlines, Korean air, Lufthansa, Delta, China Southern airilines авиакомпаниялари билан Interline ва Code Share шартномаларини имзолаган.