Башкортстан умартачылары быел бал булмаячак дип чаң кага. Язын һәм җәй башында үрчем вакытында көннәр салкын тору сәбәпле үрчем начар булса, бал җыю вакыты җиткәч көннәр кыздыру сәбәпле чәчәкләр кибә. Нәтиҗәдә соңгы елларда күрелмәгән дәрәҗәдә аз бал җыелыр дип көтелә.
Германия җитәкчелеге Каталониянең элекке башлыгы Карлес Пучдемонны Испания хөкүмәтенә тапшырачаклар. Бу хактагы карарны Шлезвиг-Гольштейн федераль җире мәхкәмәсе кабул итте.
Русия президенты Владимир Путин азык-төлек эмбаргосын 2019 елның ахырына кадәр озайтты.
Татарстан Югары мәхкәмәсе "Юдино" полициясе бүлегендә азаплаулардан соң үлгән Павел Дроздовның абыйсы Сергейга рухи зыян компенсациясен биш тапкырга арттыру турында карар чыгарды.
30 елга якын Казакъстан президенты булган Нурсолтан Назарбаев Иминлек шурасын гомере буе җитәклү мөмкинлеге алды. Әлеге хокукны аңа Иминек шурасы вәкаләтләрен киңәйтүче яңа канун бирә.
Сабантуйны халыклар дуслыгы бәйрәменә калдырган Дөнья татар конгрессы инде ата-бабалардан килгән көрәш гореф-гадәтләренә дә үз тәртипләрен кертеп маташа. Татарстан көрәшчеләре моны мыскыллау дип кабул итә.
Төркиядә 72 кешене Истанбулда 2016 елда фетнә омтылышында катнашулары өчен гомерлек төрмәгә хөкем иттеләр.
Казан Кремленең рәсми вәкиле Лилия Галимова Арам Габреляновның "Татарстан президенты телләре турындагы канунны хәйләкәр рәвештә кире какмакчы" дигән постына карата "мәгълүмати ачлыктан" язылган әйбер дип атады.
Русия гадәттән тыш хәлләр министрлыгына коткраучылар, янгын сүндерүчеләр һәм техника җитми. Бу хакта Кризислы хәлләрдә идарә итү дәүләт үзәге тикшерүләренә сылтанып РБК яза.
Twitter микроблоглар хезмәте атна дәвамында шиклы активлык өчен томаланган аккаунтларны алып ташлаячак.
14 июнь-15 июль көннәрендә Русиядә дөнья футбол беренчелеге уза. Русия мондый чемпионатны беренче тапкыр оештыра. 64 уенның алтысы Казанда уйнала. Азатлык шушы вакыйганың иң кызыклы мизгелләрен җанлы блогта теркәп бара.
11 июль көнне Мәрҗани исемендәге тарих институтында татар галимнәре, зыялылар, иҗтимагый активистлар җыелды. Алар милли мәгариф киләчәге, татар теленең бүгенге көндә укытылуы, татар мәктәпләре язмышы турында фикер алышты. Чара нәтиҗәсендә Русия һәм Татарстан дәүләт оешмаларына тәкъдимнәр юлланды.
