Тел белгечләре һәм иҗтимагый оешмалар протестына карамастан, Русия думасы туган телләрне ихтыяри укыту турында канун өлгесен икенче укылышта кабул итте. Канунда "ихтыярилык" сүзе "ирекле уку" сүзенә алыштырылды.
Түбән Новгород өлкәсенең тикшерү комитеты 27 яшьлек ВГТРК журналисты Денис Суворовны үтерү эше нигезендә җинаять эшен ачкан. Җинаять эше 105нче маддә (үтерү) нигезендә кузгатылган.
Татарстан һөнәр берлекләренең элекке җитәкчесе җинаять кылуы өчен "үкенгән" дип хәбәр итәләр.
ФСБ хакас мәдәниятен популярлаштыручы 30 яшьлек Лидия Баиновага каршы җинаять эшен ачкан, дип яза Сибирь.Реалии. Активистны экстремизмда гаеплиләр.
Русия думасы депутатлары өченче укылышта өстәмә кыйммәт салымын (НДС) 18 проценттан 20 процентка арттыру канунын кабул итте.
Татарстан президенты Рөстәм Миңнехановның стадионнарда сыра сатуны кире кайтару турында тәкъдимен Русия мөфтиләр шурасы, Русия православ чиркәве һәм ЛДПР башлыгы Владимир Жириновский тәнкыйтьләп чыкты.
24 июль көнне танылган Австралия җырчысы Зөлфия Камалованың "Алты көн ярату" дигән татар телле альбомына интернетта акча җыю кампаниясе тәмамлана. Тиешле акча җыелып бетте диярлек.
Русияле Анна Старобинец Европа фәнни фантастика җәмгыятенең "иң яхшы язучы" (ESFS Award) номинациясендә премия алды.
Грециянең көнчыгышында зур урман янгыннары нәтиҗәсендә кимендә 50 кеше һәлак булды, тагын йөздән артык кеше җәрәхәтләнде.
24 июль Русия думасы туган телләрне ихтыяри укыту турында канун өлгесен икенче укылышта карый. Европа тел галимнәре әлеге канунга каршы чыгып мөрәҗәгать имзалады. Мөрәҗәгатькә имза куючы галимнең берсе белән сөйләшеп алдык.
