Новости за 30.07.2018

Грузиянын Конституциялык соту кара куурай (марихуана) колдонгондорго административдик жаза чегерген жобону алып салды. Натыйжада Грузия мурдагы советтик республикалардын ичинен кара куурайды колдонууну мыйзамдаштырган биринчи өлкөгө айланды. Төрт судьядан турган коллегиянын 30-июлдагы чечими марихуананы колдонууга гана байланыштуу. Өлкөдө кара куурайды өстүрүү жана сатуу мурдагыдай эле кылмыш деп саналат. Өкүмдө мариухана чеккен адам үчүнчү тарапка коркунуч келтиргенде гана аны жазалоо Конституцияга ылайык келери белгиленген. Читать дальше...

Белгилүү акын Калчоро Көкүловдун Айтматовдун кыргыз элиндеги орду жана вазийпасы тууралуу ыр түрүндөгү ой толгоосу.

АКШнын Дүйшөмбүдөгү элчилиги Тажикстандагы төрт туристтин өмүрүн алган окуяны айыптады. «Биз кол салган адамдардын ырайымсыздыгын катуу айыптайбыз, алар ак ниет жана меймандос тажик элинин өкүлдөрү эмес экенин түшүнүп турабыз»,-деп айтылат элчиликтин билдирүүсүндө. 29-июлда "Daewoo Leganza" үлгүсүндөгү автоунаа Дангара районунда велосипедчен чет өлкөлүк туристтердин тобун сүзүп кеткени кабарланган. Андан Нидерланд менен Швейцариянын бирден жана АКШнын эки жараны мерт болгон, дагы үч чет өлкөлүк жаракат алган. Читать дальше...

Сууга түшкөндө коопсуздукту эл да, эс алуу жайларынын ээлери да эске албайт. Сугат суу тартыштыгынын айынан насыя алып айдаган эгиндери күйүп кетип, дыйкандар түшүмдөн куржалак калууда. Кыргызстандык мигранттар Орусияда отурукташа албай жатканына улуттук өзгөчөлүк себеп болду деп эсептешет.

Македониянын парламенти өлкөнүн аталышын өзгөртүү боюнча Греция менен кол коюлган келишимди бүткүл элдик добуш берүүгө чыгаруу жөнүндө сунушка добуш бергени жатат. Дүйшөмбү күнгө белгиленген добуш берүүнүн алдында премьер-министр Зоран Заев референдум 30-сентябрда өтүшү мүмкүн экенин билдирди. Анын айтымында, бюллетенде "Сиз Македония менен Грециянын ортосундагы келишимди кабыл алуу менен Европа Биримдигине жана НАТОго мүчө болууга макулсузбу?" деген бир суроо болот. Заев Греция менен узактан бери... Читать дальше...

Тажикстанда туристтердин өлүмүнө шектүү катары изделип жаткан үч адам коопсуздук күчтөрүнүн атайын операциясы учурунда жок кылынды. Бул тууралуу Тажикстандын Ички иштер министрлиги кабарлады. 29-июлда өлкөнү велосипед менен жүргөн чет өлкөлүк туристтердин тобун Дангара районунун аймагында машине тебелетип кеткен. Андан Нидерланд менен Швейцариянын бирден жана АКШнын эки жараны мерт болуп, дагы үч чет өлкөлүк жабыркаган. Бул атайын жасалган кол салуу катары да каралып жатат.

Баткен облусунда 1950-жылдары өткөн авиациялык окуулардан кийин калган 20дан ашуун ФАБ-100 түрүндөгү авиабомба табылды. Бул тууралуу Башкы штабдын басма сөз кызматы кабарлады. Маалыматка караганда, сапёрлер соңку эки айда 40 миң чарчы метр аянтты иликтеп чыгышкан. Авиациялык бомбаны издөө жана аны зыянсыздандыруу иши октябрдын соңунда жыйынтыкталат. (КЕ)

Бишкек шаардык соту мурдагы мэр Албек Ибраимовду тергөө бүткөнгө чейин камакта кармоо тууралуу райондук соттун чечимин күчүндө калтырды.

Сыртынан өмүр бою соттолгон, издөөдө жүргөн мурдагы өкмөт башчы Данияр Үсөнов тууралуу соңку кабар соттолгондорду өз өлкөсүнө экстрадициялоо маселесин козгоду.

Бишкек шаардык кеңешиндеги көпчүлүк коалицияга кирбей калган “Республика – Ата Журт” фракциясы баш калаанын мэрлигине өз алдынча талапкер көрсөтпөйт. Бул тууралуу “Азаттыкка” фракциянын мүчөсү Жусупбек Коргонбай уулу билдирди. Анын айтымында, мындай чечим депутаттардын биримдигин, туруктуулукту эске алуу менен кабыл алынды. “Республика – Ата Журт” фракциясы 30-июлда 18:00гө белгиленген жыйынында мэрликке талапкер Азиз Суракматовдун шаарды өнүктүрүү программасы менен таанышат. Азырынча мэрлик... Читать дальше...

Президент Сооронбай Жээнбеков Кыргызстандын жарандыгына кабыл алуу жана андан чыгаруу жөнүндө төрт жарлыкка кол койду. Анын бири 1654 адамды (анын ичинен 1406 — чоң адамдар жана 248 — балдар) Кыргызстандын жарандыгына кабыл алуу жөнүндө жарлык. Президенттин басма сөз кызматы тараткан кабарга караганда, Кыргызстандын жарандыгын кабыл алып жаткандардын көпчүлүгү тарыхый мекенине кайтып келген кыргыздар. Мындан сырткары мамлекет башчынын дагы бир жарлыгы менен 1170 (анын ичинен 934 — чоң адамдар жана 236 ... Читать дальше...

Бишкекте Эл аралык миграция уюмунун колдоосу жана АКШнын ЮСАИД кызматы менен биргеликте "Адам сатууга каршыбыз" аталышында иш-чара өттү. Ал 1-июлдан, 20-июлга чейин жарыяланган. Көргөзмөнүн башкы максаты - жарандардын укугун, чет өлкөдөгү эрежелерин билбей кор болуп жатышкан мекендештерге түшүндүрүү иштерин жүргүзүү. Аны менен катар жашы жете элек өспүрүмдөрдүн кара жумушта иштөөсүнө тыюу салуу боюнча маселелер айтылып, атайын сүрөт көргөзмөлөр уюшулду.

28-июлда Мухаммедкалый Абылгазиев баштаган өкмөттүн кызматка киришкенине 100 күн болду. Коомчулукта азырынча анын ишин мактагандарга караганда сындагандар көбүрөөк.

Кыргызстандык мушкерлер таймаштын аралаш түрлөрү (ММА) боюнча Кытайдын Харбин шаарында өткөн Азия чемпионатында үч алтын, бир коло байгенин ээси болушту. Кыргызстандын ММА жана Панкратион федерациясынын өкүлдөрү билдиришкендей, WMMAA (Таймаштын аралаш түрлөрү боюнча дүйнөлүк ассоциация) уюму уюштурган бул мелдеш 28-29-июль күндөрү өтүп, 10 салмакта байгелер ойнотулган. Ага тогуз өлкөнүн спортчулары катышкан. Кыргызстандын намысын төрт спортчу коргоду. Алтын байгелерди Чыңгыз Бегматов (61 кг.),... Читать дальше...

Премьер-министр Мухаммедкалый Абылгазиев кызматка келген 100 күн ичинде ал төрт мамлекетке жана Кыргызстандын алты облусуна жумушчу сапары менен барды. Өкмөттүн басма сөз кызматы кабарлагандай, алгач ал Түркияга барып, 18-майда Стамбулда "Ислам кызматташтык уюмунун" кезексиз жыйынына катышкан. 31-майда Тажикстанга үч күндүк иш сапары менен КМШ мамлекеттеринин өкмөт башчыларынын жыйынына, 16-июлда эл аралык "Ачык өкмөт" демилгесинин Грузиядагы саммитине барган. Андан тышкары, Абылгазиев Евразия... Читать дальше...

Өзбекстанда Шавкат Мирзиёевдин президенттик иши тууралуу документалдуу тасма жарык көрдү. "Президент мырза" аттуу 34 мүнөттүк тасма Мирзиёев 61 жашка толгон күнү - 24-июлда мамлекеттик телеканалдардан көрсөтүлдү. Президенттин басма сөз кызматы даярдаган бул тасмада Мирзиёевден баштап катардагы ар кыл кесип ээлеринин маектери камтылган. Президент Мирзиёев "өлкөдө абал мурдагыдай эмес, мүмкүн болбогон эч нерсе жок", "көз караштар өзгөрдү" деген сыяктуу сөздөрдү айткан. Ошондой эле журналисттер тууралуу сөз козгоп... Читать дальше...

Кыргызстандын билим берүү жана илим министри тууралуу "тармакты башкара албай жатат" деген сындар көп айтыла баштады. Министрди сындагандар билим берүү тармагында реформа ишке ашпай жатканын, буга жетекчинин түздөн-түз тиешеси бар экенин жүйө келтирип жатышат.

Малайзиялык иликтөөчүлөр тобу төрт жыл мурда MH370 каттамындагы учактын дайынсыз жоголушунун себептери алигиче аныктала электигин билдиришти. Курамына эл аралык эксперттерди камтыган топ 30-июлда өз баяндамасын жарыялады. Ал баяндамада учактын эмне себептен жоголгону так белгисиз экени, бирок "үчүнчү тараптын кийлигишүүсү болгон деген жоромолдор четке кагылбай турганы" жазылган. 2014-жылдын 8-мартында Куала-Лумпурдан Бээжинге учуп бараткан "Малайзия аба жолдору" компаниясынын "Боинг-777" үлгүсүндөгү... Читать дальше...

Тажик президенти Эмомали Рахмон жекшемби күнү Дангара районунда чет өлкөлүк туристтердин каза болгонуна байланыштуу АКШнын президенти Дональд Трампка, Швейцариянын президенти Ален Берсеге жана Нидерланддын падышасы Виллем-Александрга көңүл айтып кат жиберди. «Биз Тажикстандын аймагындагы жол кырсыгынан велосипед менен бараткан чет өлкөлүк жарандардын каза болушун терең кайгыруу менен кабыл алдык. Өлкөнүн тиешелүү кызматтары бул окуяга күнөөлүүлөрдү кылмыш жоопкерчилигине тартуу боюнча бардык чараларды көрүп жатышат»... Читать дальше...

Айткеш Толгонбаев Казакстандын профессионалдык скрипка мектебинин негиздөөчүсү болуп саналат. Кайсы гана музыкант үчүн болбосун мындай атакка жетүү чоң сыймык эмеспи! Бирок А.Толгонбаевдин тагдырын билген соң тирүү жан эң чоң азапты адам баласынан, өзгөчө, идеологиячыл саясаттан көрөрүн аңдайсыз.

Зимбабвенин жарандары өлкөнү 37 жыл башкарган Роберт Мугабе кызматтан кеткенден кийин биринчи жолу жаңы президентти шайлап жатышат. 30-июлдагы шайлоодо негизги атаандаштык Мугабенин ордун баскан 75 жаштагы азыркы президент Эммерсон Мнангагва менен оппозициядагы "Демократиялык өзгөрүүлөр үчүн кыймылынын" 40 жаштагы лидери Нельсон Чамизанын ортосунда болмокчу. Президенттик шайлоо менен бирге Зимбабведе дүйшөмбүдө парламенттик жана жергиликтүү шайлоолор да өтүп жатат. Алардын жыйынтыгы 4-августта белгилүү болот. Читать дальше...

Ысык-Көл облусунун Бостери айылында таксист Санкт-Петербург шаарынан келген туристти жана анын жети жаштагы кызын сабаган деп шек саналууда. Бул тууралуу “Азаттыкка” облустук милициянын басма сөз катчысы Сталбек Усубакунов билдирди. Маалыматка караганда, Орусиядан келген турист 29-июлда такси айдоочуга каршы арыз жазган. Анда Бостериден Чолпон-Атага бараткан турист менен айдоочунун ортосунда пикир келишпестик чыгып, таксист жүргүнчүлөрүн сабап салганы айтылат. - Соттук-медициналык экспертиза дайындалган. Читать дальше...

Пакистанда учурда камакта отурган мурдагы премьер-министр Наваз Шарифтин партиялаштары өткөн аптадагы шайлоонун жыйынтыгы бурмаланганын айтып, бийликтен расмий иликтөө баштоону талап кылышууда. "Пакистандын мусулмандар лигасы" шайлоонун жыйынтыгын иликтей турган "соттук комиссия" түзүү керек экенин 29-июлда билдирди. "Биз 25-июлда болгон окуяларды иликтеш үчүн соттук комиссия түзүлүшүн талап кылабыз. Биз добуш бурмалоолор жана башка фактылар боюнча өз баяндамабызды жарыялайбыз", - деп билдирди... Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) тараткан маалыматка караганда, Бишкектин Свердлов райондук салык кызматынын өкүлү 15 миң сом пара алып жаткан жеринен кармалды. Маалыматка караганда, бул мекемеге жергиликтүү тургун арыз менен кайрылып, салыкчы андан ишти оң жагына чечип бериш үчүн акча талап кылып жатканын айтып кайрылган. Бишкек шаардык прокуратурасы Кылмыш-жаза кодексинин 313 (“Пара талап кылуу”) беренесинин негизинде кылмыш ишин козгоду. Тергөө, иликтөө иштери жүрүп жатат. Читать дальше...

Орусиянын, Ирандын жана Түркиянын расмий өкүлдөрү 30-31-июлда Сочи шаарына чогулуп, Сирия маселесин талкуулаганы жатышат. Орусиянын Тышкы иштер министрлиги жекшембиде билдиргендей, бул жыйындын күн тартибинде Сириянын конституциялык комитетин түзүү, деэскалация зоналарынын абалы жана гуманитардык кырдаал сыяктуу маселелер бар. ТАСС мамлекеттик маалымат агенттиги кабарлагандай, орус делегациясын Кремлдин Сирия боюнча атайын чабарманы Александр Лаврентьев жетектейт. Сочидеги сүйлөшүүлөрдүн кезектеги... Читать дальше...