Ливанда ХАМАС раҳбарининг ўринбосари ҳалок бўлди
ХАМАС раҳбарининг ўринбосари Солиҳ ал-Арури Ливан пойтахти Байрутнинг жанубида содир бўлган портлашда ҳалок бўлган.
ХАМАС ҳаракати ҳам унинг ҳалок бўлганини тасдиқлаган.
Ал-Арури ХАМАС сиёсий бюроси раҳбарининг ўринбосари бўлган, аммо бу гуруҳнинг ҳарбий фаолиятига чуқур сингиб кетган.
Ливан давлат оммавий ахборот воситаларига кўра, портлаш ХАМАСнинг Ливан пойтахти атрофидаги бинодаги офисида содир бўлган.
Хабар берилишича, портлаш натижасида яна тўрт киши ҳалок бўлган.