Россия самолёти Афғонистонда қулагани юзасидан жиноий иш очилди
Россия самолёти Афғонистонда қулагани юзасидан жиноий иш очилди. Россия Тергов қўмитаси Бадахшонда Фалcон самолёти ҳалокатга учрагани юзасидан жиноий иш очди,
Эслатиб щтамиз, РФ фуқаролик самолётлари давлат реестрида рўйхатга олинган Falcon 10 самолёти 20 январ куни кечқурун, Афғонистон ҳаво кенгликларида бўлганида алоқага чиқмай қўйган ва радарлар экранларидан йўқолган. Дастлабки маълумотларга кўра, бортда олти киши бўлган (икки йўловчи ва экипажнинг тўрт аъзоси).
«Самолёт „Атлетик Групп“ МЧЖ ва хусусий шахсга тегишли бўлган. Ҳаво кемаси Гая (Ҳиндистон) — Тошкент (Ўзбекистон) — Жуковский (Россия) йўналиши бўйича чартер санитар рейсини амалга ошираётган бўлган», — дея аниқлик киритган агентлик.
Учувчилар 20 январ куни соат 19:05 да Кўлоб шаҳрига шошилинч қўнмоқчилиги, сўнгра соат 19:19 да биринчи ва 19:29 да иккинчи двигатели ишдан чиққанини хабар қилишга улгурган.
Росавиацияда аниқлик киритишларича, самолёт парвозининг бошланғич нуқтаси Таиланддаги Утапао аэропорти бўлган.