Новости за 19.02.2024

НТВ телеканалындагы «Суперстар!» тапшыруындагы жюрилар бәхетсезлеккә дучар булган. Америкага туганнары янына киткән җырчы Наташа Королева серле авыру эләктергән. Бу хакта алып баручы Вадим Такменёвка сылтама белән LIFE сайты яза.

Австралиядә 3 яшьлек бала уенчыклар автоматы эченә кергән һәм кире чыга алмаган. Бу хакта «ITV» басмасына сылтама белән «Газета.Ру» сайты яза.

Иртә таңнан әтиләренә Әнәс килеп керде. Йөзен болыт каплаган, сөмсере коелган. Иртәдән кәефе юклыгы күренеп тора.

Казанда Тайга урамында «Лада» машинасы эчендә ир-ат белән хатын-кыз мәете табылган. Бу турыда «Татар-информ» хәбәр итте.

Юл газабы – гүр газабы, дип юкка әйтмәгәннәр. Һава торышы бозылу сәбәпле, Данир Сабиров төркеме Актаныштан Казанга төне буе кайткан. Машиналары батып, төпкә утыргач, егетләргә аны ике якка чайкалдырып, махсус ысул белән этеп чыгарырга да туры килгән. Барысы да туңып, юешләнеп беткәннәр. Төркемдәге биюче кызларның да эшләре каты булган. Алар төнге маҗараларны машина эченнән видеога төшереп утырганнар.

Төмән өлкәсенең Уват авылында ЮХИДИ хезмәткәрләре исерек йөртүчене тоткарлаган. Йөртүче үзенең исерек булуын машинага утырыр алдыннан ликерлы ярты килограмм конфет ашавы белән аңлаткан. Бу хакта Төмән өлкәсе ЮХИДИ хезмәте хәбәр итә.

«Сиңа нәрсә, бер сызгырасың да, малайларың хәзер кайтып җитә...» – менә Балтач районы Пыжмара авылында яшәүче 15 бала атасы Хәбир абый Мөхәрләмовка авылдашлары, күрше-күләннәре, кызыгып, еш кына шулай дип әйтә икән.

20 февральдә Татарстанда аязучан-болытлы һава торышы була. Төнлә һәм иртән кар явачак. Көндез явым-төшемнәр көтелми. Кайбер районнарда томан төшә. Төньяк-көнбатыштан, көньяктан уртача тизлектә, төнлә урыны белән 12 метр тизлектә көчле җил. Төнлә һава температурасы -9..-14˚, аязганда -18˚ градус, көндез -5..-10˚ градус. Юлларда бозлавык.

Дубайга турлар сатып, мошенниклыкта гаепләнүче блогер Илүсә Миңнегалиева (Фәләхова) кешеләргә акчаларын кире кайтара башлаган. Ике кешенең счетына 500әр сум акча килгән. Дубайга турлар сатып алып та, ялга бара алмый калган туристларга Илүсәнең 27 миллион сум бурычы бар. Бу хакта «Я из Татарстана» Телеграм-каналы яза.

Лаеш район судына Илнур Сәмигуллинның җинаять эшен тапшырдылар. 48 яшьлек Дәүләт төзелеш күзәтчелеге бүлегенең элеккеге җитәкчесе күпкатлы йортлар төзегәндә «проблемаларны хәл итү» өчен ришвәт алуның өч эпизодында гаепләнә.

Эльвира Хамматованың күптән түгел генә икенче тапкыр кияүгә чыгуы, ләкин бу никахының да уңышсыз булуы хакында язган идек. Җырчы ире белән аерылышуы хакында үзе хәбәр итте.

Җырчы Иркә Резедә Кадыйрованың «Бер түзәр әле җаным» җырын яңартып яздырган иде. Хәзер ул шушы җырга клип төшергән.

Бөгелмәдә гаражда боксында 2 егет мәете табылган. Бу турыда «Татар-информ» Татарстан прокурорының өлкән ярдәмчесе Руслан Галиевка сылтама белән яза.

Илсөя Бәдретдиновага үзенең татар теле һәм әдәбияты укытучысы матур истәлекләр җибәргәч, җырчы хатирәләргә бирелгән һәм яшьлегендәге кызыклы да, урыны белән кызганыч та мизгелләр турында язылучыларына да сөйләгән.

14 февраль көнне Арча районы Урта Пошалым авылында «Пошалым чаналары – 2024» җыр фестивале башланып китте. 20 еллык тарихы булган фестиваль һәм Пошалым авылына кызыклы сәяхәт турында «Интертат» язмасы.

Россия Президенты Владимир Путин 16 яшькә кадәр балалары булган ялгыз әти-әниләре эштән кууны тыя торган закон имзалады. Бу документ хокукый мәгълүмат порталында чыккан.

Кытайдагы бер зур туристик фирма «Маймыллар патшасы» булып эшләүче кеше эзли һәм туры килгән кандидатка аена 842 доллар (хәзерге курс белән 78 мең сум тирәсе) түләргә әзер. Бу хакта Кытайның «Shangyou News» дәүләт басмасына сылтама белән «Российская газета» яза.

Таиландтан кайтып килә торган самолет бортында ир-ат вафат булган. Ул «литрлап кан йөткереп чыгарган», дип яза «Московский комсомолец».

Блогер Эльвира Әхмәтшина белән Инсаф Галимҗанов мәчеттә никах укыттылар. Алар никахтан соң шунда ук берничә бию хәрәкәте дә ясап алган. Аннары шул видеоны Данир Сабировның «Минем законный хатыным» җырына «салганнар». Инсаф күңелле видео белән социаль челтәрдәге үз сәхифәсендә бүлешкән. Аның сәхифәсендә никахтан 2 видео тора һәм ул үзен «блогер» дип язып куйган.

Татарстанда 1 ел эчендә беренче тапкыр ачыкланган онкология авырулары саны 18 152 кешегә җиткән. Тәүлегенә 300 пациент кабул итүгә исәпләнгән Республика клиник онкология диспансерының гамәлдәге поликлиникасы 1000гә якын пациент кабул итә. Онкология диспансеры җитәкчелеге яңа поликлиника төзү кирәклеге турында белдерә һәм аяныч статистиканың үсешен республика халкының картаюы белән аңлата. Бу хакта «Республика Татарстан» хәбәрчесе Светлана Арсентьева яза.