Новости за 10.04.2024

Авыр вакыйгалар турында «язмыш сынавыдыр» дип әйтергә яратсак та, кайвакыт, нигә соң кайбер кешеләрнең өлешенә аеруча нык тия, дип уйлап куясың. Инде 6 ел урын өстендә ятып, улларының үскәнен күрә алмаган Резидә Әүхәдиевага да, аны сабый баладай тәрбияләүче әти-әнисенә дә Ходай авырлыкларны өеп биргән...

Бүген төрле авыл, бистә, шәһәр мәчетләрендә Рамазан гаете уңаеннан бәйрәм чаралары узды. «Интертат»ка шуларның берсе – Тукай районы Күзкәй авылы мәчетендә узган бәйрәм турында районның ветераннар һәм инвалидлар советы рәисе Фәйрүзә Вәзиева сөйләде.

6 февральдә Коминың Эжвин хастаханәсендә 21 яшьлек Диана вафат була. Ноябрьдә аның венасына стандарт операция ясыйлар. Шуннан аның хәле бик начаралана. Моңарчы беркайчан да сәләмәтлегенә зарланмаган кыз 2 ай эчендә үлә. Әнисе, табиблар хата ясады, дип саный. Ул тикшерү эшләре башлауга ирешкән. Бу турыда «АиФ» яза.

Шушы көннәрдә дөньяга бәбие аваз салуны көтүче Ришат Төхвәтуллин борчылулары белән уртаклашты.

Хәрби операциядә контузия алган Игорь хәтерен югалткан, Мәскәүдә документларсыз калган һәм 3 көн адашып йөргән. Аны табып, туганнары янына Омскига җибәргәннәр.

Президентның Урал федераль округындагы Тулы вәкаләтле вәкиле Владимир Якушев белдергәнчә, быел Россия төбәкләрендә су басу күрше Казахстан гамәлләре аркасында да була ала. Россия белән килештермичә Казахстан сусаклагычларыннан су агызу Россиядәге су басуны кискенләштергән, дигән фикер әйткән Тулы вәкаләтле вәкил телеэфирда, Оренбург һәм Курган өлкәләрендәге хәлләр турында сөйләгәндә. Бу сүзләргә «Кровавая барыня» каналы игътибар иткән, дип яза «Московский комсомолец».

Рамазан гаетен махсус операциядәге егетләребез дә бәйрәм итә. Арчада яшәп иҗат итүче язучы Зиннур Тимергалиев безгә бүгенге көндә хәрби бурычын үтәүче энесе Илнур Тимергалиевтан килгән видеоны юллады.

11 апрельдә Татарстанда аязучан-болытлы, явым-төшемнәрсез һава торышы була. Көньяк-көнчыгыштан, көньяк-көнбатыштан уртача тизлектә, көндез урыны белән 14 метр тизлектә көчле җил. Төнлә һава температурасы -1..+4˚, көндез +13..+18˚ градус.

8 апрель төнендә Яшел Үзән районының Исаково авылы янында урнашкан «Татар авылы» этнографик музее территориясендә янгын чыгуы билгеле булды.

Башкортстанның Бүздәк районында Иске Богады авылында 10 апрель төнендә мәчет янган. Бу турыда «Башинформ» хәбәр итте.

Социаль челтәрләрдә Оренбург өлкәсе Орск шәһәрендә су баскан урыннан сыерны коткару турында кызганыч видео чыкты.

Артист Мөнир Рахмаевның хатыны Илсөяр иренең әти-әнисе белән аралашмаулары хакында сөйләгән иде. Әлбәттә инде, бу сүзләрдән аның язылучылары аптырашта калды. Моның сәбәбен белергә теләп, алар блогерга бик күп сораулар юллаган.

Айрат Сафин белән диджей Радик Ураза гаете уңаеннан мәгънәле җыр белән куандырырга теләп, «Юллар» дигән җырлары музыкаль мәйданчыкларга чыгуы турында хәбәр итәләр.

Гөлназ Асаева «Татарстан – Яңа гасыр» телеканалында «Сөйләшергә вакыт» тапшыруында кунак булды. Балачакта ул биюче булырга хыялланган икән, әмма бәхетсезлек очрагыннан соң моны «билге» дип кабул иткән.

Татарстан Республикасы Рәисе Рөстәм Миңнеханов Ураза бәйрәме белән котлады.

Татар эстрадасының яшь җырчысы Илнат Фәрхуллин социаль челтәрдәге сәхифәсендә чираттагы премьерасын – «Исемдә» җырын тәкъдим итә.

Казанда җиңел машина кибет витринасына бәрелгән. 3 кеше, шул исәптән 1 бала имгәнгән. Аларны хастаханәгә салганнар. Бу турыда «Татарстан 24» каналы хәбәр итте.

«Улым 3 ел элек хатыны белән бергә ипотекага 1 бүлмәле фатир алды. Ул аны үзенә рәсмиләштерде һәм түләде. 1 ел элек алар аерылышты, арендага алынган фатирларга күчтеләр. Ипотеканы элеккечә минем улым түли. 1 ай элек ул элеккеге хатыны белән ипотекага алган фатирны квартирантларга бирергә, аннан килгән акчаны ипотекага кертеп барырга булды. Ләкин хатыны каршы чыкты, аренда акчасын тигезләп бүлүне таләп итә. Аерылышкач, ипотекага алган фатирны ничек бүләргә?» – дигән сорау юллаганнар «Челнинские известия» газетасына. Читать дальше...

Алтын куллы хуҗабикә

Әкълимә Балобанова белән мин Интернет челтәре аша таныштым. Ул – кул эшләнмәләре остасы, матур гөл савытлары, вазалар ясый. «Мин бер генә чүпрәкне дә, тукыма кисәкләрен дә ташламыйм», – ди ул. Аларны кулланып, алибастр, шпаклевкалар белән катырып, төрле формадагы савытлар эшли, аларны табигый материаллар кулланып бизи. Гап-гади борчак, тары ярмасын ябыштырып, буяп куйгач, төрле затлы төймәләр бер читтә торсын!

Ул савытларның берсе дә буш тормый: Әкълимә апаның тәрәз төпләре төрле-төрле гөлләр белән тулы! Читать дальше...