Новости за 20.04.2024

Бүген Дубайда Сабантуй узган. Анда Татарстанның халык һәм атказанган артистлары чыгыш ясый. Сабантуйдан видеолар «Вести Татарстан» сайтында чыкты.

Татарстанның иң энергияле җырчыларының берсе Фирдүс Тямаевның "Ай-һай еммая" дигән җыры музыкаль мәйданчыкларга чыкты.

Татарстанның атказанган артисты Илнур Гомәров «Татар малае - 2024» бәйгесендә балаларны бәяләү гадел булмады дип бәяләгән. Бу хакта «Шәһри Чаллы» сайтында Айзирә Имамова яза.

Мәскәү өлкәсенең Голицыно шәһәрендә 30 яшьлек Мария Н. самокаттан егылып төшеп үлгән. Фаҗига күп фатирлы йорт ишегалдында була. Бу турыда «Комсомольская правда» яза.

Блогер, бизнесвумен, аяклары йөрмәүче Миләүшә Зарипова үз блогында, инвалид коляскасына машина таптатканнан соң утырырга мәҗбүр булдым, дип сөйләгән иде. Ул, озак уйлаганнан соң, гомер буе саклаган серен халыкка чишәргә булган. Бактың исә, аны студент вакытта тулай торакта яшәгәндә, ике кыз 3 каттан этеп төшергән булган.

Җырчы Бәширә Насыйрова «Ирек мәйданы» газетасына хәлләре турында сөйләгән.

Җылы көннәр килү белән, Татарстанда кимерүчеләр, куркыныч бөҗәкләрнең активлык сезоны башланды. Җир җылынып бетмәгәч, талпаннар ул кадәр күп түгел, ә тычканнар инде актив. Көз айлары белән чагыштырганда, кимерүчеләр 2 тапкыр арткан. «Тычкан бизгәге»ннән прививка юк, ә талпан энцефалитыннан сакланырга әле соң түгел, ди табиблар.

«Хозур» нәшрият йорты «Дин вә мәгыйшәт» редакциясе «Дин турында. Сезнең сорауларга җавап» телеграм-каналында зиратка бару белән бәйле кайбер мәсьәләләргә аңлатма бирәләр.

13 апрелендә Әтнә районының Түбән Бәрәскә авылында көч куллану нәтиҗәсендә үлем билгеләре булган 56 яшьлек ир-атның гәүдәсе табылган. Алдан ясалган медицина тикшерүеннән күрсәткәнчә, үлем сәбәбе - баш мие эчендәге җәрәхәт.

21 апрельдә Татарстанда алмашынучан-болытлы һава торышы була. Урыны белән кыска вакытлы яңгыр явачак, яшенле яңгыр яварга мөмкин. Төньяктан, төньяк-көнчыгыштан 66-11 метр тизлектә, көндез урыны белән 14 метр тизлектә көчле җил. Төнлә һава температурасы +6..+11˚, көндез +19..+24˚ градус.

Татарстанның һәм Россиянең атказанган табибы, медицина фәннәре кандидаты, актив җәмәгать эшлеклесе Рөстәм Сәйфулла улы Бакиров белән язучы Зиннур Хөснияр әңгәмәсе.

Җырчы Лилия Хәмитова суд юлларын таптарга мәҗбүр. 17 март көнне Арчада сайлауга барганда, җырчы күңелсез хәлгә юлыга. Борылышта басып торганда, аның «Hyundai Creta» машинасына икенче машина килеп керә. Ининиятләштерү компаниясе билгеләгән түләү машинаны ремонтлау өчен җитми, шуңа җырчы суд юлында йөрергә мәҗбүр. Бу хакта ул «Интертат»ка сөйләде.

Сәламәтлек саклау министрлыгы диспансеризация уздыру өчен яңартылган киңәшләр бастырып чыгарды. Аерым алганда, хәзер 18 яшьтән 49 яшькә кадәрге ир-атларны һәм хатын-кызларны фертильлек сәләтенә тикшерә башлаячаклар. Бу – халыкның репродуктив сәламәтлегенә бәя бирү өчен кирәк. Соңгы айларда бу мәсьәлә хакимиятне бик борчый, дип яза «Коммерсантъ» сайты.

Тукай районынан фермер Минталип Миңнеханов бәрәңге утырту графигын инде 23 ел үзгәрткәне юклыгын әйткән. Бу хакта «Челнинские известия» газетасы журналисты Ләлә Гайфутдинова яза.

«Болгар» радиосы алып баручысы Фаил Гыймадов «Ирек мәйданы» газетасына туган нигезе турында сөйләгән:

19 апрельдә Башкортстанның Бөре районы Вязовка авылында фермерның абзары янган. 80 сарык, 8 бозау, 50 тавык яна, 20 сарыкны хуҗа – 54 яшьлек фермер коткара алган. Аның үзенең кулы пешкән. Бу хакта Башкортстан буенча МЧС хәбәр итә.

Аномаль эсселек сәбәпле Татарстан Гидрометеоүзәге шторм кисәтүе игълан итте һәм, яңа температура рекордлары теркәлергә мөмкин, дип кисәтте, ә Казан коммуналь хезмәтләре җылыту сезонын вакытыннан алда – 20 апрельдә тәмамлый. Һава торышындагы аномалияләр, май бәйрәмнәренә һәм җәйгә фаразлар.

Түрәләр Төмән өлкәсендәге Пахомовка авылы халкының йортларын су басудан саклау өчен үзләре төзегән дамбаны җимерергә мәҗбүр иткән. «Наш город» басмасы хәбәр иткәнчә, авыл халкы балчык тутырылган капчыклардан дамба ясап су басудан сакланырга булган. Тик моны юкка эшләүләрен аларга шул ук көнне аңлаталар. Бу хакта Daily Карелия сайты яза.

Иртәнге ашка ләвәшле йомырка тәбәсе пешерергә була. Моның өчен түгәрәк ләвәш һәм аның зурлыгында таба сайларга кирәк. Таба зуррак булган очракта эчлек агып чыгачак.

Новосибирск өлкәсенең Куйбышев шәһәрендә 16 яшьлек Фәнис Назыпов югалган. Ул иптәшендә бәйрәм кичәсе ясаганнан соң өйгә кайтып җитмәгән. Видеокүзәтү камералары соңгы тапкыр аны өеннән 50 метр ераклыкта терки. Бу турыда «АиФ» яза.

Илсөя Бәдретдинованың чираттагы яңа җыры музыкаль мәйданчыкларга чыкты. Илсөя аны күп җырларының авторы һәм аранжировщик Илдус Дәүләновка багышлаган.