Азат Абитов: «Гөлсирин бөтен нәрсәне миннән сорый»
Яшь җырчы Азат Абитов хатыны Гөлсирин белән бер-берсенә ияләшү чорының артта калуы, хәзер инде үзара аңлашып гомер кичерүләре хакында сөйләгән.
«Безнең гаиләдә Гөлсирин бөтен нәрсәне миннән сорый. Сорамаса, үзенчә эшләсә дә, мин аңа каршы килмәс идем. Ләкин ул сорый, аның менә шундый тәрбия.
Болай гаилә тормышыбыз әйбәт. Гөлсирин белән бергә яши башлавыбызга дүртенче ел китте. Авырлыклар инде артта дип ышанабыз. Аны бит беренче 3 елда гына авыр дип әйтәләр. Хәзер бер-беребезгә ияләштек. Башта да артык авыр булмады инде. Ләкин өйләнешкәч тә син яңа кеше белән яши башлыйсың. Һәр кешенең үз тәртибе. Шушы тәртипләрне берләштерергә вакыт кирәк булды», – дип сөйләгән җырчы, «Туган тел» телеканалындагы «Сер итеп» тапшыруында.