Марат Яруллин ят кешене өй туена чакырмакчы
Марат Яруллин фатир сатып алган. Җырчы анда кыйммәтле ремонт ясарга җыена. Инде белгечләр белән дә килешеп куйган.
«Ничек уйлыйсыз, минем фатирдагы ремонт күпмегә төшәчәк? Беренче булып дөрес җавап биргән кешене өй туена чакырам», – дип тә вәгъдә биргән ул.
Җырчының язылучылары арасында Яруллин янына кунакка килүчеләр күп булып чыккан. Кыска гына вакыт эчендә 400дән артык комментарий калдырганнар. 1, 5, 10, 22 миллион, дигән фикерләр дә, «фатирның ярты бәясе» дигән комментарий да язганнар.
«Ничә сум булса да барыбер түгелмени? Иң мөһиме – синең ул йортка кайтасың килеп торсын», «Синең йөзеңә караганда, зур, бик зур сумма, Марат», – дип фараазлаучылар да бар.