Новости за 11.09.2020

Закаев Iелас, Британехь вехачу нохчийн политикан Закаев Ахьмадан вашас, бакъ бац аьлла, ша Нохчийчуьрчу Iедалхоша вигина бохург. Оцу хьокъехь цуьнан къамелан аудио яржийна меттигерчу хаамийн гIирсаша. "Со а, сан гергарнаш а "бовдийна" хиларх суна хаамийн гIирсашкара хиина. Ца кхета, стенгара яьлла ишта информаци. Со кху сахьтехь могуш-маьрша, сайн цIахь ву. Бакъдерг аьлча, суна ца хаьа сайн вашас хIун дIахьедар дина, амма ас тоьшалла до шуна, сох а, сан гергарчех а хилла хIума дацарх, тхо массо а цIахь ду"... Читать дальше...

Украинан кхерамзаллин урхалло Киевехь шозлагIа а лаьцна 30 шо долу Шела гIалара схьаваьлла С.-А. Юсуп. Оцу хьокъехь Кавказ.Реалиига хаам бина Украинерчу вайнехан диаспорин векала. Цо дийцарехь, талламан изоляторера арахецна, дIавоьдуш лаьцна С.-А. Юсуп. "Изоляторера неIарх араволлушехь, куьйгаш дихкина, дIавигина. ХIинца Кхерамзаллин урхаллин (СБУ) изоляторехь ву иза", - элира Кавказ,Реалиига хьостано. Ткъа герз лелорна бехкевечуьра Киеван Десняцки кIоштан кхело мукъаваьккхина, талламан изоляторера араволуш хила иза шозлагIа лоцуш. Читать дальше...

Оппозицин блогер Ломаев Муса вен гIоьртина стаг лаьцна Финляндехь; [аамийн гIирсашкара: "тутмакхийн элин" Шалинский Ахьмадан йоккха гIап ю Нохчийчохь; nерроризмаца доьзна девне озийна Дагестанера 6 вахархо

Йоккха, хаза гIишло хьалакхиина Нохчийчохь, буто ков кхелина бархI са болчу седарчашца – криминалитетан вастаца, иза ю Домбаев Ахьмадан (тутмакхашлахь – Ахмед Шалинский), яздо URA.RU агенталло, шен хьосташна тIе а тевжаш. "Ахьмадан ша ма-ярра йолу гIап ю Нохчийчохь. Масех метр лекхачу кертахь ду шиъ кхузза тIекIалдина цIа а, хьашташна оьшу цхьацца гIишлош а. Уьш йина безачу гIирсах, гобаьккхина хазйина ю", - довзуьйту агенталлина кхерамах ларлуш цIе ца яьккхинчу анонимо. ГIопан масех сурт а гойту хьасто. Читать дальше...

Селхана, Гезгмашин-беттан 10-чу дийнахь, Нохчийчуьрчу Iедална интенетехула критика еш схаьвогIу блогер Ломаев Муса вен гIоьртина стаг лаьцна Финляндехь. Оцу хьокъехь Кавказ.Реалиига хаам бина ша Ломаевс. Цо дийцарехь, Финляндерчу низаман урхалло ха хIоттийна цунна тIе, дихкина таллам боьдучу юкъанна ша социалан машанашкахула ен эфираш дIакхехьа. "Со ца кхоьру, кхерамаш тийсарх а, суна иза кIезиг хIума ду, амма сайн доьзална хьалха жоьпалла ду сан, Финляндерчу кхерамзаллин урххаллаша сайга бохург ца дича а ца волу"... Читать дальше...

Дагестанерчу Дербентан кIоштарчу 6 вахархочунна дуьхьал терроризмаца доьзна бехктакхаман гIуллакх гIаттийна, хаам бина Талламан комитетан республикерчу урхалло. "2019-чу шеран Дечкен-баттахь бехкебечара террорхойн тоба кхоьллина, зуламаш дан Iалашо йолуш, декъаийзийна кхиболу нах а", - боху хьукматан пресс-векалто. Талламчаша дийцарехь, зуламашна кечамбеш, тобан декъашхоша Iамораш дIадаьхьина, караерзийна лелха коьчал ен корматалла, кар-кара луш лелийна герзаш а, лелха коьчалш а. Лецначийн Iалашо... Читать дальше...

Дуьненан шолгIачу тIеман истори харц хорша ерзор сацондолу керла хьукмат кхуллур ю Талламан комитетехь Оцу хьокъехь хаам бина урхаллин куьйгалхочо Бастрыкин Александра, боху Талламан комитетан пресс-векалто. Керлачу хьукмато Дуьненан шолгIачу тIамехь зуламаш динарш а, тахана истори харцхьа йовзуьйту нах а Iора а бохуш, бехктекхаман гIуллакхаш гIиттор ду царна дуьхьал. Бекхам тIаьхьа ца кхуьуш ца буьсийла иштта хоуьйтур ду талламчаша, аьлла Бастрыкина. Цунна гарехь, Нюрнберган процессехь массо а зуламхошна таIзар дан ца ларийна дуьне... Читать дальше...

Оьрсийчоьнан Цхьанакхеттачу Къаьмнийн организацерчу векала Небензя Василийс, бух бац, аьлла, Навальный Алексейна дIовш далар талламе дилла. Оьрсийчуьрчу лоьрашна ца карийна оппозицерчу политикаца химин герзан лар, ткъа Германино ца гайтина Навальныйна дIовш делла хиларх долу тоьшаллаш, билгалдаьккхина цо. Шен дIахьедар Небензяс дина Шемахь химин герз лелорца доьзна Цхьанакхеттачу Къаьмнийн организацин Кхерамзаллин Кхеташо гулъеллачохь. Вашингтоно Оьрсийчоьне Навальныйна зулам дар таллар доьхуш бинчу кхайкхаман хьокъехь дара и къамел. Читать дальше...