Нохчийчуьра ши вахархо лаьцна Францерчу Дижонехь, нохчашний, африканхошний юкъахь иккхина дов бахьанехь; коронавирусан ун даьлла ву дуьненчохь 30 миллион сов стаг; Магасехь хIоттийначу митинган декъашхо Хамхоев Мохьмад политикан тутмакх ву аьлла "Мемориал" центро
Нохчийчоьнца ГIалгIайчоьно дозанаш къастош бинчу бертана резабоцучара Магасехь хIоттийначу митинган декъашхо Хамхоев Мохьмад политикан тутмакх ву аьлла, дIакхайкхийна бакъоларъяран "Мемориал" центро. Хамхоев бехкево, стохка Зазадокху-баттахь хIоттийна хилла митинг дIайохочу полисхошна дуьхьал ницкъ баккха нах тIехьехарна. "Хамхоев лацааран цхьа бахьана бен дац вайна гуш: цуьнан гергарчу нахана тIеIаткъамбар. Коьрта бехкевечу къаночун Барахоев Ахьмадан нуц ву иза, иштта ГIалгIайчоьнан муфтин Хамхоев Iийсан вешин кIант а ву. Читать дальше...
Къилбаседа Кавказехь тIаьххьарчу дийнахь а, буса а коронавирусах велла 14 стаг, ун даьлла кхин а 591 стагана. Вирус ца яржийта вовшахтоьхначу оперативан штабан статистикаца, Дагестанехь кхелхина пхи дархо, Краснодаран кIоштахь виъ, Ставрополан махкахь кхоъ, Адыгейхь шиъ велла. Верриг а Къилбаседа Кавказехь пандеми яьржичхьана COVID-19 вирусах кхелхина лоруш ву 1 450 стаг. Къаьсттина дукха бу ун даьлларш тIаьххьарчу 24 сахьтехь динчу зерашца, Ставрополан махкахь - 140 стаг: Ставрополан махкакхь+140... Читать дальше...
Эзарнашкахь бусалба нах бу бехаш Абхазехь. Ламазан ши хIусам йоцург, цхьа а маьждиг дац цигахь. Дукха хан йоццуш бен ца йиллинa цинахь, хьалалан сурсаташ духку меттиг.
Нохчийчуьра ши вахархо лаьцна Францерчу Дижонехь. Берта а вахна, ницкъбина аьлла, бехкаш дехкина царна. Къилба Африкерчу наркотикаш юхкучу нахаца хиллачу тийсадаларшна тIехула лаьцна и шиъ. Ниццехь веха 30 шо долу вахархо а, Доль олучу коммунехь веха 30 шо долу жимстаг а ву вуьйцург. Кхел хиллалц лаьцна латтош ву и шиъ, яздо France Info гIирсо, гIалин прокуроран Матэ Эрикан дешнашна тIетоьвжина. Итт шерашка кхаччалц хенаш кхачайо цу шинна. Дижон гIалахь Мангал-беттан 12-15-чу деношкахь, нохчийн цхьана жимачу стаганна йиттича... Читать дальше...
Коронавирусан ун даьлла ву дуьненчохь 30 миллион сов стаг. Пандеми яьржичхьана кхелхина 945 эзар гергга дархо, 20 миллион сов ву дарба хилларг. Ун даржарна тIехь терго латточу ХIопкинс Джонсан Университето бина цунах хаам. Оцу юкъанна, кху беттан 14-чу дийнера схьа дуьненчохь COVID-19 вирус кхеттачийн терахь цхьана миллионе хьаладаьлла. Ун даьлла нах алсам хиларца хьалхарчу меттигехь ю Американ Цхьаьнатоьхна Штаташ. COVID-19 вирус къаьстина цигарчу 6,6 миллион адамах. Велла уьнах 197 эзар пациент. Читать дальше...
ДаIишца воьзна хилла аьлла, бехкевечу ГIалгIайчоьнан депутатан Мамилов Закрийн воIа Мамилов Дауда, шена тIехь ницкъбина дайтина мукIарло аьлла, дIахьедина. Карцер чу воккхур ву бохуш, кхерамаш туьйсу цунна полисхочо, аьлла адвокато а. Байначу баттахь Москвара апелляцин кхел тIетайра Мамиловн адвокаташа, цуьнан гIуллакх тесна дитина аьлла, динчу дIахьедарна. Цул тIаьхьа Мамиловн гIуллакх кхечу талламхочуьнга кховдийра. Марсхьокху-бутт бовш бакъо елира дена шена кIантаца цхьанакхета. Мамилов лаьцна ву стохка Охан-беттан 29-чу дийнахь дуьйна. Читать дальше...
