ხანძარი ახალციხეში - დაზარალებულია 4 ოჯახი
ახალციხეში კოსტავას ქუჩაზე ხანძარმა ოთხი ოჯახი დააზარალა. დამწვარია საცხოვრებელი სახლების სახურავები. თვითმხილველების განცხადებით, შემთხვევა გამთენიისას მოხდა, როდესაც ოჯახის წევრებს ჯერ კიდევ ეძინათ.
ცეცხლი სახლის სახურავზე მეზობელმა შენიშნა, სახანძრო გამოიძახა დაზარალებულები გააღვიძა. მოსახლეობამ სახლებიდან ავეჯი ჯარისკაცების დახმარებით გამოიტანა.
ხანძრის გამომწვევი მიზეზი უცნობია, თუმცა ვარაუდობენ, რომ ცეცხლი ძველი სადენების გამო გაჩნდა.
2 კვირის განმავლობაში ახალციხეში ხანძარი საცხოვრებელ სახლებს უკვე მეორედ გაუჩნდა.