Новости за 04.04.2024

Сабаның Олы Нырты авыл мәчетендә Рамазан аена багышланган «Әдәп барда - иман бар» дип исемләнгән ифтар ашы уздырылды. Бу хакта https://saby-rt.ru/ хәбәр итә.

Төмән өлкәсе мөфтие Зиннәт Садыйков хәер-фатыйхасы белән махсус операция зонасына мөселман хәрбиләр өчен гуманитар йөк әзерләп җибәрелгән. Бу инициативаны Төмән шәһәренең хатын-кызлар дини оешмалары белдергән, дип яза Россия мөселманнары Диния нәзарәте.

Россия Президенты Владимир Путин Хөкүмәт әгъзалары белән киңәшмәдә Премьер-министр Михаил Мишустнның кичә Дәүләт Думасында ясаган уңышлы чыгышы белән котлады.

«Апуш» балалар театр студиясе «Кечтүк» спектакле белән XXV халыкара «Брянцев фестивале»ндә I урынны алды. Фестивальне оештыручылар йомгаклау тантанасын онлайн күрсәттеләр.

Татарстан Рәисе Рөстәм Миңнеханов Мәскәүдә «Рамазан чатыры – 2024» чарасында катнашты. Мәдәни-хәйрия чарасын ел саен Россия мөселманнары Диния нәзарәте һәм ил башкаласы Хөкүмәте ярдәме белән Мәскәү мөселманнары Диния нәзарәте оештыра.

Татарстан Рәисе Рөстәм Миңнеханов Мәскәүдә «Рамазан чатыры – 2024» чарасында катнашты һәм республика бүләкләре тапшырды. Шул исәптән ул Россия мөселманнары Диния нәзарәте һәм Россия мөфтиләр шурасы рәисе Равил Гайнетдингә «Татарстан Республика каршындагы казанышлары өчен» ордены медале да тапшырды.

Россиядә уртача хезмәт хакы 73 меңнән бераз гына артыграк. Бу хакта Геннадий Зюгановның илдә хезмәт хакы турында әйткән сүзләрен кире кагып, Россия Хөкүмәте башлыгы Михаил Мишустин әйтте.

2027 елда бөтен Россия буенча бюджет хезмәткәрләренә хезмәт хакы түләүнең яңа тармак системасы барлыкка киләчәк. Озакламый бу тәҗрибәне берьюлы берничә төбәктә пилот режимында эшләтә башлыйлар. Бу хакта Россия Президенты Владимир Путин әйтте.

Бүген Казанда Татарстан Дәүләт Советының хатын-кыз депутатларының «Мәрхәмәт» берләшмәсе һәм Архангельск өлкәсе хатын-кыз депутатлар палатасы арасында хезмәттәшлек турында килешү имзаланды.

Федераль Иминлек хезмәте Мәскәүдә, Екатеринбургта һәм Омскида «Крокус Сити Холл»да теракт оештыруда ярдәм иткән өч кешене тоткарлаган. Бу хакта РИА Новости хәбәр итә.

Габдулла Тукай музеенда Тукай Дәүләт премиясенә әдәбият өлкәсендә булган кандидатлар белән очрашу, аларның иҗатлары турында фикер алышу булды. Иҗади очрашуда катнашучыларга үз эшләрен балалар шагыйре һәм драматургы Рафис Корбан, язучы Ләис Зөлкарнәй, Россия балалар шагыйре, прозаик, тәрҗемәче, башкаручы автор Борис Вайнер тәкъдим итте.

Кичә, 3 апрель кичендә Чаллының «Притяжение» микрорайоны кар сулары астында калган. Җирле халык сүзләренчә, су Тукай районы кырларыннан агып килгән. Чаллы елгасы ярларыннан чыккан, су күләме арткан. Бүген иртәнгә су торак йортларга кадәр килеп җиткән. Су басу нәтиҗәләрен бетерү өчен шәһәр администрациясе һәм Гадәттән тыш хәлләр министрлыгы хезмәткәрләре тиешле чаралар күргән.

«Татар-информ» «Рамазан чатыры – 2024» проектының онлайн-трансляциясен ясый. Чара Мәскәү вакыты буенча 17:45 сәгатьтә башлана.

Татарстан Рәисе Рөстәм Миңнеханов Үзбәкстан генераль прокуроры Нигматилло Юлдашев белән очрашты. Бу хакта республика җитәкчесенең матбугат хезмәте хәбәр итә.

Быел яшь башкаручылар өчен Ваһапов фонды өч бәйге үткәрә. Аларның һәрберсе аерым фестиваль кысаларында уза. Бу хакта фонд җитәкчесе Рифат Фәттахов матбугат очрашуында сөйләде.

Түбән Каманың иң зур сәүдә үзәге янында килешү буенча хәрби хезмәткә сайлап алу мобиль пункты эшләде. Бу чатырда 8 сәгатьтән 16 сәгатькә кадәр теләгән һәркем түләүләр һәм хезмәт шартлары турында актуаль мәгълүмат ала алды.

Дәүләт хезмәтләре порталында махсус операция ветераннарына һәм һәлак булган хәрбиләрнең гаиләләренә ярдәм чараларына багышланган махсус бүлек эшли башлады. Монда федераль, төбәк һәм муниципаль дәрәҗәдәге ярдәм чаралары турында тулы мәгълүмат, шулай ук иң популяр сорауларга җаваплар бар.

Россия югары уку йортларында фундаменталь фәннәр укытучыларының хезмәт хакларын арттыру буенча пилот проект 1 сентябрьдән башлана. Бу хакта һәм мәгарифнең хезмәт базары белән бәйләнешен арттыруга бәйле башка инициативалар турында ил Президенты Владимир Путин Россиянең Бәйсез профсоюзлары федерациясенең XII съездында әйтте.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре белән Пермь крае Барда авылына килде. Бу хакта Бөтендөнья татар конгрессы матбугат хезмәте хәбәр итә.

Ваһапов фонды Татарстанның халык шагыйре Разил Валиев истәлегенә багышлап махсус кичәләр үткәрә. Бу хакта фонд җитәкчесе Рифат Фәттахов матбугат очрашуында әйтте.

Республика клиник хастаханәсе (РКБ) һәм Республика балалар клиник хастаханәсендә (ДРКБ) медицина ифтарлары булып узган. Бу традициягә узган елда нигез салынган.

2030 елга минималь хезмәт хакы күләме ике тапкырга диярлек артырга тиеш. Бу хакта ил Президенты Владимир Путин Россиянең Бәйсез профсоюзлары федерациясенең XII съездында әйтте. Трансляция Кремльнең Телеграм-каналында барды.

Июнь аендагы БРИКС илләре Уеннарын үткәргән вакытта 18 спорт объекты җәлеп ителәчәк: аларның 17се – Казанда, берсе Мәскәүдә урнашкан. Шәһәрне әлеге вакыйгага әзерләү штабы утырышы материалларында шулай диелә.

2024 елда ТР Төзелеш, архитектура һәм ТКХ министрлыгы республика авылларын комплекслы үстерү буенча берничә проект гамәлгә ашырачак. Эшләр «Авыл территорияләрен комплекслы үстерү» дәүләт программасы кысаларында башкарыла.

Татарстан елгаларында язгы ташу көчәюен дәвам итә. ТР Гидрометеорология һәм әйләнә-тирә мохитне күзәтү идарәсе мәгълүматлары буенча, күп кенә елгаларда, әйтик, Мәллә һәм Кичүдә боз кузгалган инде. Бу хакта «Татарстан – Яңа гасыр» телеканалы сайтында хәбәр ителә.