Poengtap mot ti mann
Leicester greidde berre 1-1 borte mot Southampton trass i at dei spela mot ti mann i over 80 minutt, etter at Jannik Vestergaard fekk eit tidleg raudt kort. Og det var også Southampton som tok leiinga etter 61 minutt. Kelechi Iheanacho handsa, og James Ward-Prowse sette straffen i mål. Utlikninga kom sju minutt seinare, ei heading av Jonny Evans. Leicester rada opp store sjansar på slutten, men det enda med poengdeling. Det betyr at Leicester framleis er på tredjeplass, fem poeng framfor Chelsea og fire bak Manchester United.