Шигъри сүз тантана итте
Зәй үзәк китапханәсендә Әдәбият елы кысаларында Бөтендөнья шигърият көне уңаеннан “Өмет” һәм “Шигъри тәлгәш” клублары әгъзалары катнашында “Әдәби дулкын” дип исемләнгән әдәби-тематик кичә узды. Кичәдә клуб әгъзалары Надежа Чепурная, Александр Кириллов, Николай Спирчин, Нәзирә Смирнова, Людмила Соколова, Мария Костюченко шигырьләрен укыды. Алар төрле темага иҗат ителгән, күңелләрдә якты хисләр калдырырлык иде. Мондый очрашулар алга таба да дәвам итәчәк.