Аҟәа иӡыргоуп Аԥсны Аџьынџьтәылатә еибашьра акорреспондентцәа хҩык аибашьраан иҟарҵаз рҭыхымҭақәа. Урҭ реизгара алыршахеит асахьаҭыхыҩ Лиана Ачԥҳа лыбзоурала ҳәа азгәеиҭеит Иван Кортуа ихьӡ зху Жәлар рырҿиара ареспубликатә центр аиҳабы Нури Кәарҷиа.
Хәажәкыра 18 асааҭ 12:00 рзы Sputnik Аԥсны амультимедиатә пресс-центр аҿы имҩаԥысраны иҟоуп жәларбжьаратәи атуристтә цәыргақәҵа MITT аԥсуа делегациа алахәра иазку апресс-конференциа.
Марттәи ажәылара 26 шықәса ахыҵра инамаданы хәажәкыра 15, асааҭ 12:00 рзы ахақәиҭра зхы ақәызҵаз Руслан Шьынқәба, Џьамбул Зарандия, Џьааркас Гасан, Аслан Ажьгериев, Валери Берхамов рмемориалтә хьӡынҵақәа ықәдыргылеит.
Аԥсны Аҳәынҭқарратә архивтә усбарҭа хәажәкыра 15 рзы иахыҵит 90 шықәса. Аусбарҭа аиҳабы ихаҭыԥуаҩ Дмитри Еныкь арадио Sputnik Аԥсны аефир аҿы еиҭеиҳәеит аибашьраан иблыз архивтә материалқәа реиҭашьақәыргылара ишаҿу атәы.
ConIFA аверсиала Европа Ачемпионат мҩаԥысраны иҟоуп 2019 шықәса, рашәара 1-10 рзы Ашьхатә Ҟарабах аҳҭнықалақь Степанакерт.
Аҟәа ақалақь Аҵараҟәша аусбарҭа аиҳабы Лиудмила Адлеиԥҳа Sputnik аефир аҟны еиҭалҳәеит аҳҭнықалақь ашколқәа рахь актәи акласс ахь сынтәа ицо рҭаацәа ашәҟәқәа реиқәыршәара ианалагаша.
Аԥснытәи аделегациа алахәын хәажәкыра 11-14 рзы Москва имҩаԥысуаз Жәларбжьаратәи атуристтә форум MITT.
1992-1993 шықәсазтәи Аԥсны жәлар Рџьынџьтәылатә еибашьраан, хәажәкыра 15 рзы аԥсуа еибашьцәа Гәымсҭа ирсны Аҟәа иашьхынгылаз ахәқәа рнапахьы иааргеит.
Николаи Медвенски 2012 шықәса раахыс 1941-1945 шықәсқәа рызтәи Аџьынџьтәылатә еибашьра Дуӡӡа аан иҭахаз асолдаҭцәа рыԥсыжырҭақәа рышьақәыргылара инапы алакуп.
Хәажәкыра 15 рзы, абаталион "Шьараҭын" иалахәыз Марттәи ажәылараан иҭахаз хәҩык аибашьцәа рзы Гәымсҭа ацҳаҿы иаартхоит амемориалтә ӷәқәа, абри атәы иҳәеит арадио Sputnik Аԥсны аефир аҿы аибашьра ашықәсқәа раан абаталион "Шьараҭын" аштаб аиҳабыс иҟаз, Леон иорден занашьоу Рауль Амҷба.
