Новости за 03.07.2020

2020 шықәса рзы Аԥснытәи ашколқәа ирылгеит 1791-ҩык аҵаҩцәа. Урҭ рҟынтәи 11-ҩык амедалқәа рыманы иалгеит, 64-ҩык "ибзиаӡоуп" ҳәа иалгеит.

Гәдоуҭа апарк-плиажтә нхамҩа аиҳабы Даниил Габниа арадио Sputnik Аԥсны аефир аҿы еиҭеиҳәеит араионтә плиажқәа аӡҭаларазы ашәарҭадара аԥҟарақәа иахьынӡарықәшәо атәы.

Адунеи аҿы ишьақәырӷәӷәоуп 10,9 миллионк инарзынаԥшуа ачымазара ахҭысқәа, ргәы бзиахахьеит хә-миллионк 700 нызқьҩыки инареиҳаны ауаа. Ачымазара иахҟьаны рыԥсҭазаара иалҵит 520 нызқьҩык раҟара.

Асахьаҭыхыҩ, ахәыҷтәы-арҿиаратә центр "Аинар" анапхгаҩы Витали Қацәба арадио Sputnik Аԥсны аефир аҿы еиҭеиҳәеит ацәыргақәҵа "Аҟәа – есымша иуцу аныҳәа" ахь инеигаз иусумҭақәа зызку, иазгәеиҭеит уи есышықәса еиҿкаалазар шыбзиоу.

Аԥсны ахада Аслан Бжьаниа амаҵзура "Интерфакс еиҿнакааз ипресс-конференциа мҩаԥысит ԥхынгәы 3 рзы онлаин режим ала.

Аԥсны ахада дрылахәын Аџьынџьтәылатә еибашьар ду аан Аиааира 75-шықәса ахыҵра иазкны Москва имҩаԥысыз ауснагӡатәқәа.

Аҵәахырҭатә банк аусзуҩцәа рганахь ала агәызҩара ыҟоуп закәаншьаҭада ҩ-миллионки бжаки рҟынӡа аԥара зыԥсҭазаара иалҵыз атәанчаҩцәа рыԥхьаӡамҭақәа ирхырхит ҳәа.

Аԥсны ахада Аслан Бжьаниа имҩаԥигаз апресс-конференциаҿ иҳәеит иахьатәи аамҭазы анхаҩцәеи анаплакуааи аҳәынҭқарраҟынтә ироуа ацхыраара атәы.

Рашәарамзазы аплан аҟынтәи аиҵахара 50 миллион мааҭ инаӡон, ԥхынгәымзазы уи еиҳагьы аҽеиҭанакыр ауеит ҳәа иԥхьаӡоуп.

Аҟәатәи ахәбатәи абжьаратә школ аушьҭымҭа, хьтәы медалла зҵара хзыркәшаз Рафида Ануаԥҳа арадио Sputnik аефир аҟны еиҭалҳәеит лхәыҷрашықәсқәа раан лгәы зызцоз, иахьа акәзар - занааҭс иалылхыз, аҵара дҭалар ахьылҭаху.

Владислав Арӡынба ихьӡ зху аҳаиртә баӷәаза "Сухум" ҩышықәса рыла аиҭашьақәыргылара азыԥхьагәарҭон урыстәылатәи аинвесторцәа.

Аҽазыҟаҵарақәа раан ҩ-полигонк рҟны аамҭакала адәытә мобилтә госпитальқәа аартын, 200-200-ҩык рыдкылара иазырхианы.

Аԥсны ахада Аслан Бжьаниа ипресс-конференциа мҩаԥысит ԥхынгәы 2 рзы. Иара мҩаԥган ахада иусбарҭаҿы. Ари раԥхьатәи пресс-конференциоуп алхрақәа рышьҭахь.