Новости за 16.07.2020

Гагра араион аҿы инхо Геннади Ҵәыџьба арадио Sputnik Аԥсны аефир аҿы еиҭеиҳәеит инапала иргылаз абааш атәы.

Апандемиа ааҟалеижьҭеи Аԥсны Аҳәынҭқарра иахьаҵанакуа 38-ҩык акоронавирус шрыхьыз аадырԥшхьеит.

Уаанӡа ари амаҵура дахагылан Рената Чагәааԥҳа, уи "Аԥсныпресс" аиҳабыс дыҟан 2014 шықәса раахыс.

Аиҭалхрақәа Бзыԥтәи алхырҭатә ҭыԥ хада №10 аҿы имҩаԥгахоит Ҭемыр Беиеи Ҭамаз Леибеи адепутатрахь кандидатс иахьықәгылаз, рҩыџьагьы иазхоз абжьы ахьырмоуыз иахҟьаны.

Ԥхынгәы 17, асааҭ 12:00 рзы Sputnik Аԥсны амультимедиатә пресс-центр аҿы имҩаԥгахоит Агәыҳалалратә еиҿкаара "Аԥсны Агәыҳалалра ацҳаражәҳәаҩцәа" рыпресс-конференциа. Апресс-конференциаҟны аиҿкаара аилазаара ҿыц аӡбахә ӡыргахоит.

Ԥхынгәы 15-16, 1989 шықәсазы Аԥсны аҭыԥ змаз аԥсҭбарақәа зцыз ақырҭуа-аԥсуа еидысларақәа ртәы ҳзеиҭалҳәоит урҭ амшқәа рзы аҳҭнықалақь аҿы иҟаз, ахҭысқәа згәалашәараҿы инхаз Sputnik аколумнист Елеонора Коӷониаԥҳа.

Аԥсны Адәныҟатәи аусқәа рминистр Даур Ақаҩбеи Роспотребнадзор анапхгаҩы Анна Поповеи еилацәажәеит Роспотребнадзор ахаҭарнакцәа Аԥсны Аҳәынҭқаррахь иааны аҭыԥ аҿы амониторинг еицымҩаԥгазарц азы аиқәшаҳаҭра рыбжьарҵарц.

Ақыҭанхамҩа аинститут аиҳабы Лиосик Аиба арадио Sputnik Аԥсны аефир аҿы еиҭеиҳәеит 2010-2012 шықәсқәа рзы Аԥсны асоциал-економикатә ҿиара аплан инақәыршәаны ҳтәыла араионқәа жәпакы рҿы еиҭаҳаз абаҳчақәа иахьа рҭагылазаашьа зеиԥшроу атәы.

Аԥсны аҩбатәи ахада Сергеи Багаԥшь ибаҟа аргылара аконкурс аҿҳәара инахоуп 2020 шықәса ԥхынҷкәын 10-нӡа, арзаҳал аӡәгьы иахьалаимҵаз иахҟьаны. Ари аҭагылазаашьазы арадио Sputnik аефир аҿы игәаанагара иҳәеит Аҟәатәи асахьаҭыхратә ҵараиурҭа аиҳабы Амиран Адлеиба.

Аԥсуа бызшәа - ижәытәӡатәиу абызшәақәа рахь иаҵанакуеит. Еигәыцхәу аԥсуа-адыга бызшәақәа зегь зхылҵыз абызшәа-шьагәыҭ аиҿыҵра ианалага инаркны иалагоит аԥсуа бызшәа зхала иҟоу бызшәак аҳасабала аҿиара аҭоурыхгьы.

Борис Ачба ахара идырҵоит мцҳәарыла 20 миллион мааҭ абиуџьеттә ԥарақәа еимиҵәеит адокумент ԥаршеиқәа ихы иархәаны, ишьақәыргылам ахаҿы дицырхырааны ҳәа.

Гал араион ахада инапынҵақәа назыгӡо Омар Бганба арадио Sputnik аефир аҿы еиҭеиҳәеит, ԥхынгәымза 13 рзы араион аҿы иҟаз аӡхыҵра ашьҭахь ицо аусурақәа ртәы, иҳәеит аӡышьҭрақәа рҭагылазаашьа зеиԥшроу.

Атурнир иалахәуп акомандақәа ааба: Очамчыра, Тҟәарчал, Гагра, Гәдауҭа, Аҟәа араионқәеи Аԥсны иҟоу Урыстәыла АШәМ Аҳәаахьчаратә усбарҭеи ркомандақәа.

Гал араион уаанӡатәи ахада и.н. Ҭемур Надараиа иусдҵа аҿагылон ахада иусԥҟа "Аԥсны Аҳәынҭқарра аҵакыраҿы аҳәаанырцәтәи иеиҳабыратәыми жларбжьаратәии аиҿкаарақәа рыпрограммақәа (рпроектқәа) рынагӡараз уснагӡатәқәак".

Агуманитартә коридор "Егры" аартуп ԥхынгәы 13 - 15 рзы асааҭ 9:00 -19:00 рзы; ԥхынгәы 16 - 17 рзы асааҭ 9:00 - 15:00 ирҭагӡаны.

Апрограмма "Аԥсны аԥеиԥш" аҳәаақәа ирҭагӡаны ААУ астудент Сандро Делба ҩымчыбжь рыҩныҵҟа Москва астажировка дахысраны дыҟоуп.