Новости за 12.07.2019

Iайша толуш ю, Нохчийчохь лаьцна лаха кхайкхийна стаг, Толлуш ду Ишхой-Юьртахь хих дIовш далар

ГIалгIайчоьнан куьйгалхочуьнан ханна декхарш кхочуш дечу Калиматов Махьмуд-Iелас министрийн кабинетан хьалхарчу вице-премьеран даржера дIаваьккхина Оздоев Багаудин. Цунах лаьцна хаам бо РИА Новости агенталло, республикан куьйгалхочун зорбан сервисна тIе а тевжаш. Дийцарехь, Оздоев балхара дIаваьлла шен лаамехь. И сацам цо бина, кху беттан 10-чохь гIишлошъярехула хаттаршна хьажийна Калиматовс кхеташо дIаяьхьначул тIаьхьа. Оздоев ГIалгIайчоьнан вице-премьеран дарже хIоттийнера 2011-чу шарахь Стигалкъекъа-баттахь. Читать дальше...

ГIалгIайчуьрчу 7 шо долчу йоьIан хьал гIоле хуьлучу новкъа даьлла, тоделла хIума кхаллар, амма кхин хийцам боцуш дуьсуш ду цуьнан куьйгаш. Цунах лаьцна пIераскана буса хаам бина ГIалгIайчоьнан могашаллан министралло шен Инстаграмерчу агIонехь, республикан берийн дарбан цIийнан клиникин коьрта лор Балаев Мохьмад-Башир Москох клиникехь йоI йолучехь хиллачул тIаьхьа. Интерфаксо бинчу хаамца, хьал дикачу агIор дирзинехь а йоIан куьйгашкахула цIий леларца боьзна хийцамаш бац цкъачунна. Товбецан-беттан... Читать дальше...

Хи далоран белхаш болийна Нохчийчуьрчу Гуьмсан кIоштан Ишхойн-Юьртахь. Нохчийчуьрчу гIишлошъяран министралло бинчу хаамца, 4 эзар стаг вехачу цу юьртахь хIоттор бу молу хи IаIо 10  яй, хIоранна а чу 1000 кубометр хи а доьдуш, ткъа иштта хIоттор ю хи оза 10 помпа. Ишхойн-Юьртахь тосур ю керла полиэтиленан а, болатан а биргIанаш. Карарчу хенахь 200 метр кIоргалла йолу буро тоха буьйлабелла белхалой. Берриг а хи дало белхаш дIаберзо безаш бу йоццучу хенахь.

ГIалгайчохь айпе йинчу йоIа гучуяьхна юкъараллехь лаьтта ламастийн проблемаш

Нохчийчоьнан прокуратуро тидаме эцна Гуьмсан кIоштарчу Ишхойн-Юьртара дуккха а дIовш даьлла бахархой дарбанан хIусамашка кхачийна боху хаам. Цу хьокъехь омра дина республикан прокуроро Абдул-Кадыров Шарпуддис, хаам бо цуьнан зорбан сервисо. Болчу хаамца, цу талламана юкъаозийна Хьаштахойн бакъонаш ларъярехула йолчу Федералан сервисан Нохчийчуьрчу урхаллан белхахой. Ишхойн-Юьртара 13 вахархо охьавиллина Гуьмсерчу кIоштан дарбанан цIийне дIовш даьлла хиларан билгалонаш хиларна аьлла, хаам... Читать дальше...

Тоьках тIехьарчийна декхар хиларна цхьа эзар сов вахархо висина Нохчийчохь карарчу хенахь пачхьалкхера аравала бакъо йоцуш. Цунах лаьцна дIахьедар дина Нохчийчоьнан куьйгалхочун хьехамчо, Оьрсийчоьнан Пачхьалкхан Думан депутато Делимханов Адама, хаам бо "Нохчийчоь тахана" агенталло. Иза ву республикера электроэнергин комплекс кхиорехула йолчу штабан куьйгалхо. Болчу хаамца, кхелан пурстоьпаша «Чеченэнерго» компанина догIу декхар схьадоккхуш бахам лаьцна 160 доьзалан. Итта дихкина декхар схьадаллалц махкал аравалар 1000 сов вахархочунна. Читать дальше...

Оьрсийчоьнан министрийн кабинетехь хьахийна, санкцешна кIеллахь ду аьлла схьадаьхна сурсаташ, хIаллак а ца деш, царах пайда эца безара аьлла, нагахь уьш кхача бан мегар долуш делахь. Сурсаташ хIаллакдар "нийса дац" аьлла вице-премьеро Гордеев Алексейс, хаам бо ТАСС агенталло. Дукха хан йоццуш Роспотребнадзор урхалло дIахьедар динера, низамца дехка деза аьлла, кхачанах санна пайда эца мегар долу сурсаташ хIаллакдар. Цунна гIортор йина Оьрсийчоьнан президентан Iуналлехь йолчу адамийн бакъонашкахула йолчу Кхеташоно. Читать дальше...

Оьрсийчоьнан Пенсин фондан куьйгалхочун когаметто Иванов Алексей, ша кхаъ эцарна къера а хилла, охьадиллина шен дарж. Цунах лаьцна хаам бо "Интерфаксо", Юкъараллин тIехьажаран комиссина тIе а тевжаш. Цу комиссин декъашхой хилира Иванов ханна латточу Москох талламан изоляторехь. ДIалаьцначо дийцарехь, Товбеца-беттан 12-чохь иза лаца бакъо яла мегаш ю кхело. Пенсин фондан хIинца а ца хаьа шайн куьйгалхочун когаметтех цхьаммо дарж охьадилларх лаьцна. Иванов лецира еарин Iуьйранна. Зорбан гIирсаша дийцарехь... Читать дальше...

Низамаш лардон органаша лоьхуш хилла стаг лаьцна Соьлж-ГIалахь Октябран-кIоштахь Оьрсийчуьра регионашкара республике ханна бахкийтинчу полицин белхахоша. Шаьш лаьттачу постехь цара таллам бан сацийна хилла жима машен. Цу чуьрчу нехан кехаташ теллича гучудаьлла царах цхьаъ, 51 шо долу меттигера вахархо, Iедалша лехамашка велла хилар, цо вуно дIаьвше хIуманаш йоьхкина хиларна шеко йолуш. Дийцарехь, и зулам дина хилла Соьлж-ГIалахь дIабаханчу баттахь. Ханна лаьцна и стаг кхин дIа таллам байта дIавигина Октябран кIоштан полицин декъе... Читать дальше...