Новости за 01.02.2020

Нохчийчуьрчу омбудсмено Нухажиев Нурдис Оьрсийчуьрчу шен коллеге Москалькова Татьяне а, гIалин прокуроре Попов Денисе а кехат дахьийтина, махкарчу Цицулаев Рамзанан конституцин бакъонаш Iалашъярца. Лаьцначун хIусамнанас Цицулаева Розаз дехар дина шега аьлла Нухажиевс. Зудчо бахарехь, бехкзуламан гIуллакх дуьхьал а даьккхина, 18 бутт бу цуьнан цIийнда лаьцна Москвахь волу. Цхьа могIа кеп-кепара лазаршца ву шен цIийнда, хIетте а изолятор чохь латтош ву иза, цунна оьшу лоьрийн дарба а доцуш. Цул совнах... Читать дальше...

Францин къилбаседанерчу Лилль гIалахь вийна карийна Нохчийчуьра вахархо Алиев Iимран, "Мансур Старый" аьлла, цIе яхна волу. «Чеченские новости» Telegram-канало бина цунах хаам, яздо LENTA.RU хьостано. Дийцарехь, отелехь урс диттина цунна. Гергарчарна а вевзина, яздо паблико, шайн стаг. La Voix Du Nord гIирсо яздарца, еариндийнахь делкъанна Алиевн дакъа хааделла Coq Hardi хьешан цIийнан белхалочунна. Полисхоша талламаш дIаболийна, гIуллакх зуьйш. YouTubeхь а, Фейсубкан агIонашкахь а кхайкхамаш беш хиларца, вевзаш вара "Мансур Старый".

Franceinfo хьостан хаамца, Марселехь лаьцна Аллуш Ислам Париже дIавигина, гIуллакх кхи дIа таллархьама. Исламхойн Джейш аль-Ислам (Армия Ислама) тобан хилла, 1988-чу шарера  пресс-секретарь, хетарехь, Франци веана хилла университетан Erasmus программан гурашкахь. Шеконаш ю,  2013-2016-чу а шерашкахь Шемахь цо тIеман зуламаш лелийна аьлла. Дуьйцург ду, 2011-чу шарахь Политковская Аннин цIарах совгIат дина адвокат Зайтунех Разан а, цуьнан хIусамда а, белхан ши накъост а лачкъийна дIабигина, байар. Читать дальше...

"Исламан пачхьалкх" шех олучу тобанца воьзна хилла аьлла, тIехь ницкъ а бина, шегара даьхна тоьшаллаш чоьте ма эца аьлла, дIахьедина Къилберчу тIеман кхеле Астраханерчу вахархочо Имангазиев Ильсура. Цо бахарехь, кхаьънаш эцарна бехкевина ву аьллачу, полисхочуьнца цхьна латтийна иза СИЗО-хь. Талламчаша бохург де, цхьанхьа а латкъам ма бе, "цхьа а тешар вац" бохуш, хIара Iехо гIиртина ницкъахо. "Со кагвинера, сийсазвинера тIехь Iазапаш а латтийна. Со Iадийнера, пачхьалкхан хьукматехь – гIали юккъерчу СИЗО-чу а лилхина... Читать дальше...

Оьрсийчоьнан футболан вовшахтоьхначу тобан коьрта тренер хилла Газзаев Валерий пачхьалкхан Думан къаьмнийн гIуллакхашкахула йолчу комитетан куьйгалле хIоттийна аьлла, хааме даьккхина  «БИЗНЕС Online» хьостано. "Контролан а, регламентан а комитете хьалхатеттина цуьнан кандидатура партис" аьлла Думехь. Билгалдоккху, тIаьххьарчу ворхI дийнахь комитетан куьйгалхочун декхарш кхочушдеш "Справедливая Россия" олучу партин кхин векал вара, кху кIиранах Чувашин урхалле ханна хIоттийна Николаев Олег. Къилбаседа... Читать дальше...

ГIалгIайн матте йоккхур ю "Мадагаскар" цIе йолу мультфильм яздо ТАСС агенталло, регионерчу културан "Эздел" центран (КПЦ) белхахочун Ведзижев Анзоран дIахьедарна тIе а тевжина. "Кегийрхошлахь а, берашлахь а хаттамбинера оха, муьлха мультфильмаш гIалгIайн матте ерзо луур дара шуна аьлла. Уггар хазахеташ хиларца гоьяьлла хилла "Мадагаскар". Оха хIинцале гIалгIайн матте яьккхина иза филологийн а, яздархойн а гIоьнца. Аьзнаш къастош кастинг дIаяьхьна. Дешархой, студенташ, бизнесхой, спортсменаш, лоьраш... Читать дальше...

Евросоюзера (ЕС) араели Великобритани. 2016-чу шеран аьхка Британехь дIаяьхьначу референдумехь дукхаболчара кхаж тесна Брезит бакъхили яхначу буса. Евробертан юкъара яьллачех дуьххьара пачхьалкх ю Великобритани. Цу юкъахь хIинццал 28 пачхьалкх хиллехь а, хIинца 27 йиси. Британерчу бахархойн Брекзитех дог-ойла хьалха а санна кеп-кепара ю. Лондонехь а, кхечу гIаланашкахь а пIераскандийнахь хIиттийначу барамашкахь Евросоюза юкъара арабовла луучара хазахетар гойтура, дуьхьал болчара Брекзитца доьзна шайн халахетар. Читать дальше...