Новости за 10.04.2020

Коронавирусна дуьхьалоен мехкан кхеташо йоьдучу юкъанна ГIалгIайчоьнца къастийначу дозан хьокъехь критика ечарна дуьхьал ша боьха къамел дарна нахе шена къинтIерабовлар дехна Нохчийчоьнан куьйгалхочо Кадыров Рамзана, хаамбо ТАСС агенталло. Нохчийчоьнний, шайн махканий юкъара доза билгалдоккхуш бинчу сацамна резавоцчу ГIалгIайчуьрчу массех стага социалан машанашкахула аьшнашка даьккхира Кадыровс деношкахь Магасе совгIатна медицинан гIирс бахьийтар. Оцу хиламца доьзна вистхуьлуш, маьттаза дешнаш элира Кадыровс эфирехь. Читать дальше...

Бац керла дархой Нохчийчохь, коронавирус: Къилбаседа Кавказ, Кхо зуда елла Дагестанехь, Виъ стаг вер толлуш лаьцна Куштов (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

ХIинжа-ГIаларчу инфекцин цамгаршна дарба дечу республикан центрехь велла коронавирус лаьцна хиларх шеко йолу кхо пациент, хаамбо республикерчу Оперативан штабо. Буса кхелхина 81 шо кхаьчна йоккха стаг. Iуьйранна дIаяьлла кхин а ши пациент – 62 а, 56 а шераш долу зударий, халачу хьоле кхаьчча балийна хилла уьш лоьрашна тIе.  Кхуьй а дархо зуьйш, меттигерчу инфекционисташа билгалдаьккхина хилла царех ун хьакхадалар, амма белла уьш Москва хьовсийначу тесташна дуьхьал жоп а кхачале.

ТIаьххьарчу дийнахь-буса Къилбаседа Кавказерчу массо а мехкашкахь, цхьа Нохчийчоь йоцург, дебна коронавирус шайца карийна нах. Краснодарехь керла дархо ву 20, Ставропол-махкахь – 10, Адыгейхь – 7, Къилбаседа Хирийчохь – 5, ГIалгIайчохь – 4, ГIебарта-Балкхаройчохь – 4, Кхарачой-Чергазийчохь – 3, Дагестанехь – 1. ГIалгIайчохь цомгушверг 29 ву таханенна. Реанимацехь, халчу хьолехь ву царех 67 шо кхаьчна пациент. Товелла вац цкъачунна цхьа а. ХIирашлахь цхьа стаг товелла коронавирусах. Оцу хьокъехь... Читать дальше...

Нохчийчоьнан могашаллин министра Сулейманов Элхана селхана сарахь бинчу хаамца, оцу дийнахь махкахь коронавирус кхетта хаавелла вац цхьа а вахархо. Ун даржа доладелчхьана схьа цомгуш хилла  22 стаг, 15 царех товелла. 7 вахархо ву дарбан хIусамехь. Царех цхьаъ, 83 шо долу къано вара халчу хьолехь, хIинца цуьнгара хьал аттачу долуш ду, ша догдоху, боху Сулеймановс, иза а товаларе. Министра бахарехь, коронавирусца доьзна могашалла толлуш, лоьраша тергоне эцна ву Нохчийчохь 662 стаг.

ГIалгIайчоьнан вахархо Куштов Башир лаьцна полицино. Цо бахарехь, 1993-чу шарахь Пригородан кIоштарчу цхьана юьртахь Куштовс а, цуьнан шина накъоста а герзаш диттина вийна меттигера 4 вахархо. Нах байинчул тIаьхьа иза лечкъаш ваьхна Оьрсийчоьнан массех регионехь, боху Iедало. 60 шо долчу Куштовс тIаьххьарчу заманахь хан хьош хилла лаьмнашкахь, цигахь кхиийна шена даа а, мала а. Мобилан телефонах я интернетах пайда оьцуш а ца хилла цо. 27 шо хьалха Куштовс а, цуьнца хиллачара а виъ стаг верал совнах... Читать дальше...

МРТ-сканашца, ун хьакхаделла пехаш муха хуьлу гойту 3D-анимаци кечйина Американ Цхьаьнатоьхначу Штаташкарчу Iилманчаша. Гайтам хIоттийна, хьалха цIий чехкадийлар доцург, кхин цамгар лайна а воцчу, COVID-19 лаьцначу пациентан пехаш тIехь.

Къилбаседа ХIирийчуьрчу Алагирна гергахь туризман комплекс "Мамисон" йилла кечйина проект къобалйина Оьрсийчоьнан пачхьалкхан экспертизин урхалло. Курортан дуьххьара объект хир ю аьчкачу машшийн ши некъ, шайн йохалла 3380 а, 1745 а метр а йолуш. И тайпа боца кхо некъ болуш йийр ю лайн парк а (сноупарк). Цуьнан Iалашо хир ю садаIархошна гIо-салазаш хехка Iамор. Мамисон-чIож тIекхача уггаре халачех ду Къилбаседа ХIирийчохь. БуьрийтIера дIа 100 чаккхарма ю цига кхача, Iуьллу Кавказан лаьмнийн баххьашна юккъахь. Читать дальше...

Материал кечйина "Настоящее Время" телеканалан авторо Александров Алексейс Доларчу компанийн куьйгалхошна а, фрилансершна а даккхий зенаш дина, коронавирусан эпидеми бахьана долуш Оьрсийчохь карантинехь баьккхинчу баттахь. Царех дукхахберш белхан алапа доцуш бисина: цхьаберш дийнна беттан алапех, вуьйжуш цхьана декъах. Къаьсттина дала тохар хилла ресторанийн а, кафейн а белхахошна а, хазаллин салонашкахь болх бечарана а, гидашна а. Карарчу заманчохь, шаьш хIинццалц гулдинчу ахчанца хене буьйлу уьш, сатуьйсуш бу карантин юхаяккхаре. Читать дальше...

Калиматов Махьмуд-Iелас, ГIалгIайчоьнан куьйгалхочо, министрийн керла кабинет тIеоьцуш, омранаш арахецна, хаамбо РБК агенталло. Даржашкахь тIечIагIбина кабинетан куьйгалхочун хьалхара гIовс Илезов Микаил а, вице-премьераш Амриева Марем а, Фаттахов Тимур а. Даржашкахь битина синбахамаллин министр Дзейтов Темерлан а, дешаран министр Бокова Эсет а, могашаллин министр Льянова Зарема а, спортан министр Дошхоклоев Iела а, юьртбахаман, кхачан министр Гагиев Мохьмад а, лаьттан, бахаман министр Гадаборшев Мохьмад а... Читать дальше...