Новости за 13.04.2020

Коронавирусан яржар а, арахь бисина нах а, цу тIе дIаяйна белхан къоьлла а (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

ТIаьххьарчу кхаа шерачохь белхан меттигаш шоръелла аьлла, хIоттийначу рейтингехь нисъелла ГIалгIайчоь а, Нохчийчоь а. Талламаш дIабаьхьна хилла «Новости» аналитикан центро. БорхIалгIачу могIарехь ю ГIалгIайчоь: 15, 8 проценте кхиъна белхан меттигийн терахь. 10-чу меттигехь дIатаръелла Нохчийчоь: 23, 3 эзар белхан меттиг кечбина республикехь (4,5%). Къилбаседа Кавказан Федералан Гонийн кхин а кхо регион- Ставрополан кIошт а, Дагестан а, ГIебарта-Балкхаройчоь а хIоттийначу рейтинган хьалхарчу 20 меттигехь нисйина. Читать дальше...

Шен 2000 шеран оьмарехь цкъа а ца хилла Стамбулехь ишта парг1ат. 16 миллион вахархо вехачу шахьарара урамаш даьсса го. Туркойчоьнан Iедало шина денна комендантан сахьт кхайкхийнера ун цадаржийта.

Оршотдийнахь бинчу хаамашца, ГIалгIайчохь кхин а пхеа стагах коронаиврусан инфекци гучуяьлла. Верриг а республикехь ун даьлла ву аьлла, официалехь дIакхайкхийна 34 вахархо. Махкарчу оперативан штабан информацица, кхин а 40 вахархочунна ун даьалла хилар гайтина дуьххьара йинчу тестийн жамIаша. Карарчу хенахь Ставрополерчу референс-центрера тIаьххьара жамIаш кхачаре хьоьжуш бу Iедалхой. Наьсарарчу дарбан цIийнехь Iуьллуш ву 59 COVID-19 тIечIагIйина дархо. Царех 10 реанимацехь ву.

ТIаьххьарчу дийнахь-бусий Оьрсийчоьнан 62 регионехь коронавирусан ун даьлла 2558 вахархочунна. 82 регионехь COVID-19 вирус кхеттарг ву хIинца 18328 стаг. Уггар а дукха цомгаш нах билгалбаьхна Москвахь - 1355. Москван кIоштахь - 495. Санкт-Петербургехь ву 121 стаг. ТIаьххьарчу буса велла 18 пациент. Эпидеми яьржичхьана Оьрсийчохь 148 стаг ву велларг. COVID-19 пандеми бахьана долуш, Оьрсийчоьнан йоллу регионашкахь карантин ю кхайкхийна. Болх беш яц кафеш а, ресторанаш а. ДIакъевлина дешаран хьукматаш а.

Оьрсийчоьнан чоьхьарчу гIуллакхийн министраллан зерашца, карадеанчу шеран хьалхарчу шина баттахь уггар а кIезиг зуламаш лелийна ГIалгIайчохь, хаамбо "Кубанские новости" гIирсо. Урхаллан информацица, билгалъяьккхинчу хеначохь 322 зулам дина ГIалгIайчохь. Алсам къепе йохийна меттигаш билгалбаьхначу тептарехь ю Москва - 23, 9 эзар зулам дарца. ШолгIачу меттигехь ю Москван кIошт - 12,1 эзар зуламе гIуллакхаш лелийна цигахь. ХIоттийначу рейтинган 3-гIа могIа дIалаьцна Краснодаран кIошто.

Нохчийчоьнан урхалхочун гIоьнчас, пачхьалкхан Думан депутато Делимханов Адама инспекци йина Серноводскан кIоштарчу "Кавказ" постехь. "Мехкан ден цIарах оха масийттазза кхайкхамбира, регионна арахьа бисинчу нахе, шаьш цIа догIуш дIахIоттийначу процедуран барам ларбе аьлла. Делахь а, цхьа бен-башха ца хета нах, низамаш ца лардеш Нохчийчу бахка гIерташ дозанехь меттигаш нисбеллера". Ишта цо тIетоьхна, цу тайпа леларо шайна кхерам латтийна ца Iаш, Нохчийчуьрчу боллу бахархошна а бале бовлу и нах аьлла. Читать дальше...

КIиран суьйранна Нохчийчуьрчу могушаллин министро Сулейманов Эльхана бинчу хаамашца, махкахь коронавирусах 5 велла, ун даьлла 49 стагна. Ишта цо дийцарехь, 1033 вахархо лоьраша зуьйш ву. Коронаиврусан унах дIацIанвелла 15 стаг. "Юха а кхайкхамбо ас, ларлуш хилахьара шу. Тоьхначу дозанан барамаш аш ларбеш хилча, Европан цхьайолчу пачхьалкхашкахь лаьтта хьал ца хила тарлора вайн республикехь", - аьлла министро. Билгалдоккху, Оьрсийчохь 15700 вахархо ву ун даьлла, 130 велла, 1291 вахархочунна дарба хилла.