Новости за 26.04.2020

Къилбаседа Кавказехь кхин а 399 стагехь гучуяьлла COVID-19, велла дийнахь-буса 3 вахархо. Коронавирусна дуьхаьлоечу штабо хаам барехь, цхьацца вахархо кхелхина Кхарачой-Чергазийчохь а, Краснодаран а, Ставрополан а мехкашкахь а. Юхьанца дуьйна велла уьнах Къилбаседа Кавказехь 62 стаг. ТIаьххьарчу дийнахь а, коронавирус яьржичхьана схьа а довзийтина терахьаш ишта ду: Дагестан +103 (827 юьхьанца дуьйна схьа) Краснодар-мохк +73 (780) Къилбаседа ХIирийчоь +43 (348) Кхарачой-Чергазийчоь +42... Читать дальше...

2020-чу шеран хьалхарчу кхаа баттахь, Росстато бечу хаамца, 0,2% лахделла Оьрсийчуьрчу бахархошна хуьлу ахча. Коронавирусца доьзна а дац иза – ун даржале хIоьттина хьал ду. Росстато лоьрург ду нахехь, цара Iедална ял охьайиллича, дуьсу ахча, тидамеоьцу цо инфляци а.   ХIинца санна, бахархойн бюджет малъелира 2014-2017-чу шерашкахь, амма 2018-2019-чу шерашкахь кIеззиг лакхабелира и гайтам. Бакъду, Росстато терахьаш лега юкъаяьккхинчу керлачу методиках ца тешарш а бу пачхьалкхерчу экономисташлахь. Читать дальше...

Коронавирусах 200 000 сов адам кхелхина дуьнентIехь. Ун билгалдаьлла Лаьтта тIехь 2 800 000 сов стагехь, товелла царех 830 эзар. Ишта ду Америкерчу Хопкинс Джонсан университетан терахьаш. Нах массанхьачул дукха белла Американ Цхьаьнатоьхначу Штаташкахь – 53 000 (верриг а цомгушхилларг ву цигахь 930 эзар). 20 000 сов стаг велла COVID-19-ннах шайн-шайн, аьлла, дIахьедина карарчу ханна пхеа пачхьалкхо. Цхьаьнатоьхна Штаташ йоцуш, уьш ю Испани, Итали, Франци, Британи. Италехь велла 26 000 сов стаг, 195 000 товелла. Читать дальше...