Уггар гIараваьлла Нохчийчоьнан куьйгалхочун Кадыров Рамзанан критик Абдурахманов Тумсо вийна Европехь, чIагIдо оппозицин 1ADAT боламан векалша а, нохчийн диаспоран цхьаволчу хьалханчас Масхадов Анзора а. Абдурахманов вийна аьлла, официалехь дина тоьшалла дац.
Теракт кечйеш вара аьлла бехкевеш волчу нохчочун Висаев Аптин чохь латторан хан кхин а кхаа батана дIайахйина, иштта сацам бина кхело, адвокаташа и шен хIусамехь латтор дехча а. Цул сов, гучудаьлла, хьалхо ницкъахоша шена тIе Iаткъам бо бохуш латкъамаш дина хилла волу теш Газарчиев ИбрахIим тоьшаллаш даларх ведда, Оьрсийчуьра дIа а вахана. Цунах лаьцна Кавказ.Реалиин редакцига Висаевн хIусамнанас Мутаева Iайшас дийцина. Хьалхо Газарчиевс бохура, ФСБ-н белхахоша Iаткъам бора шена, Висаевна дуьхьал харц тоьшаллаш де бохуш, дийцина Мутаевас. Читать дальше...
