Масех иттаннашкахь нохчий гIерта Боснин а, Герцеговинан а Хорватица долчу Велика Кладуша юьртарчу дозанехула дехьабовла. Царех цхьаберш дехьа бовларе хьоьжу кIира сов хан йу, амма хьал чолхе делира гIуран-беттан 26-хь, рогIехь цхьана хеначохь 60 сов стаг нисвелча.
"Ашхарацуйц" – VII-чу бIешерийн куьйгайоза ду, шена юкъахь Эрмалойчоьнан а, Гуьржийчоьнан а, Кавказан Албанин а, Къилбаседа Кавказан а историкан географин башха хаамаш болуш. Мацахлерачу хенахь оцу дозанех лаьцна ширачу историкийн-географийн Страбонан а, Птолемейн а белхашкара схьаэцначу хаарша дIадузу и довзарш. Оцу манускриптан маьIнех дийцаредира Вачагаев Майрбека историкан Iилманийн докторца, Кавказ толлучу дуьненаюкъарчу центран директорца, Абхази аьлла, шаьш дIакхайкхийначу республикан гуманитаран... Читать дальше...
ХIусамнанна герз деттарна арахь такха ахшо тоьхна Дербентан вахархочунна. Абдуллаев Насруллас, меллачохь дов даьлча ша куьйга йина тапча шозза тоьхна шен зудчунна, аьлла ду динчу таIзарехь. Цуьнан белш а, пхьарс а, некхан ваз а лазийнера.
Ницкъахоша регионашкахь Iазап хьегийтарх долчу хьолах лаьцна меттигерчу Iедалхойн векалшка "Арифметика пыток" рапорт хьажийна Къилбаседа Кавказан "Iазапашна дуьхьал Командан" (КПП) филиало. Масех официалехь жоп кхаьчна бакъонашларйархошка кхаа баттахь, комментарий йечу меттана бакъонашларйархой сийсазбеш иштта Нохчийчоьнан парламентера а жоп деана. Кавказ.Реалии сайте КПП-н пресс-гIуллакххоша дийцарехь, Нохчийчоьнан парламентан куьйгалхочуьнга Даудов Мохьмаде хьажийна рапортан кехатан верси юхакхаьчна анониме кехатца цхьаьна. Читать дальше...
