Новости за 15.06.2023

Хорватерчу депортацин легерера дIахецна волчу Нохчийчуьрчу мухIажарна тховкIело йелла. Динан экстремизмана бехкевеш хилла волу цуьнан кхин а ши махкахо маьршаваьккхина, дуьйцу Кавказ.Реалиин сайте "Европерчу нохчийн Ассамблейн" векало Дадуев Iийсас. "Цара массара а хьалхо мацалла кхайкхийнера, лагеран белхахоша шайца къизаллаш лелорах латкъамаш бинера. Цхьа бух боцуш экстремизмана тIехула шеконашка лаьцна оцу лагере низам хадош хьажийна хиларх а дIахьедора цара", - дийцира къамелдинчо.  ТховкIело... Читать дальше...

Нохчийчохь прокуроро пхи шо ахшо хан тоьха аьлла оппозицин активистийн ЯнгулбаевгIеран нанна Мусаева Заремина – иза хьалхо кадыровхоша лачкъийнера. Хьарамлонаш лелорна а, полицин белхахочунна ницкъбарна а бехкейо иза, бакъоларйархоша политикан тутмакх лаьрра Мусаева.  Мангал-беттан 15-хь хиллачу кхелан кхеташонехь прокуроро дIахьедира, хьарамлонаш лелорна тIехула долу гIуллак йуха долон деза аьлла. Керла материалаш йу аьлла бух балийра цо: дийцарехь, 2017-чу шарахь Соьлжа-ГIала а йеана, талламхоша бахарехь... Читать дальше...

Нохчийчоьно а, Краснодаран, Астраханан мехкаша иттанашкахь миллионаш дайъина Оьрсийчоьнан куьйгалло дIахьочу Петербургера къаьмнашнайукъарчу экономикин форумехь (ПМЭФ) дакъалоцуш. Цу барамашкахь гайтира пачхьалкхан йерриге субъекташ - цхьайолчу къилбехьарчу регионаша форумехь дакъолоцуш йина харжаш пачхьалкхан сайтехь карийра Кавказ.Реалии сайтана. Кубанерчу бюджетера ПМЭФ гайтамашкахь дакъалоцуш дайъина 88 миллион сом - стигалкъекъа-баттахь цаьрца болх бан тендер йаьккхира "Четыре вида" цIе йолчу Москвана уллорчу гIаларчу компанино. Читать дальше...

Мангал-беттан 14-хь Ставропол-махкарчу Буденновск гIалина динчу тIелатаран волайнхой дагабохкуьйту. 1995-чу шарахь цу дийнахь ичкерихойн буьйранчин Басаев Шемалан тоба тIелетира низамхойн белхалошна, цара цигахь закъалтхой лецира, уьш меттигерчу лазартнехь дIагулбира. ТIелеттачара сихонца Нохчийчуьра тIом сацабе, цигара оьрсийн эскарш арадаха аьлла, дIахьедира. Цул тIаьхьа кхо де даьлча, мангал-беттан 17-хь, шайга лазартне схьа ца йаккхайелча, тобанхошца дийца буьйлабелира. Премьер-министр Черномырдин Виктор цхьадолчунна резахилира. Читать дальше...

Доьзалехь ницкъбарх йада гIоьртина йолу 20 шо долу Нохчийчуьра йахархо Исмаилова Селима карош йац адвокаташна. Ши де хьалха Iуьйранна Москвара Нохчийчу дIайигира иза цигарчу ницкъахоша – цо хIума лачкъийна аьлла гергарчу наха чуделлачу орзах бахьана дина. Цунах лаьцна дуьйцу "СК SOS" кризисан тобано, SOTA телеграм-канало, иштта Собчак Ксениян "Кровавая барыня" цIе йолчу канало а, Исмаиловин адвокатна Тюняева Анастасияна а, доьзалехь ницкъбарх зен хиллачу наханна гIо деш йолчу Центран белхахочунна Русова Софьяна тIе а тевжаш. Читать дальше...