Новости за 17.03.2022

Кыргызстандын Германиядагы элчиси Өмүрбек Текебаев менен немис экономикасынын Чыгыш комитетинин аткаруучу директору Михаэл Хармстын 16-марттагы жолугушуусунда дүйнөдөгү саясий жана экономикалык абал, Орусия менен Украинанын ортосундагы жаңжалдын кесепеттери талкууланды. Бул тууралуу Кыргызстандын Берлиндеги элчилиги билдирди.  Тараптар эки өлкөнүн алакасын жакшыртуу, ушул жылдын май айында Бишкекте кыргыз-немис бизнес форумун өткөрүү, Ишкерлер кеңешин түзүү маселесин да ортого салышты.  Текебаев... Читать дальше...

Улуттук тарых музейде 2002-жылы Аксы окуясында жана 2010-жылы Апрель окуясында курман болгондордун элесине арналган фото-документалдык көргөзмө ачылып, ага Министрлер кабинетинин мүчөлөрү катышты. Бул тууралуу Маданият, маалымат, спорт жана жаштар саясаты министрлигинин басма сөз кызматы кабарлады. 17-мартта ачылган көргөзмөгө окуя учурунда тартылып калган сүрөттөр жана архивдик документтер коюлган. 2002-жылдын 17-мартында Аксыда бийликке каршы чыккан элге ок атылып, алты киши курман болгон. Бир нече киши жаракат алган. Читать дальше...

Шашылыш эскертүү! 2022-жылдын 17-20-мартында Кыргызстандын аймагында туруксуз аба-ырайы сакталып турат. Көпчүлүк аймактарда мезгил-мезгили менен жаан-чачын жаап, тоо этектеринде жана тоолуу райондордо кар жаашы мүмкүн. 18-мартта кээ бир райондордо жаан-чачын катуу болушу ыктымал. 18-19-мартта Чүй, Талас облустарынын дыйканчылык аймактарында, Ош, Жалал-Абад, Баткен облустарынын тоо этектеринде жаан карга айланат. Кыргызгидромет борбору кабарлагандай, 18-мартта күндүз жана түнкүсүн Чүй, Талас... Читать дальше...

Европа Кеңешинин Министрлер комитетинин Орусияны аталган уюмдан чыгаруу тууралуу токтому күчүнө кирди. Буга чейин Европа Кеңешинин парламенттик ассамблеясы Орусияны тизмеден чыгаруу сунушун колдоп добуш берген. Быйыл 24-февралда Украинага басып киргенине байланыштуу уюм Орусиянын мүчөлүгүн токтоткон. Андан соң орус Тышкы иштер министрлиги өлкө уюмдун ишине катышпай турганын жарыялап, Европа Кеңешине андан чыгарын расмий кабарлаган. Орусия уюмдан чыккан соң орус жарандары Адам укуктары боюнча Европа сотуна кайрыла алышпайт. Читать дальше...

Билим берүү жана илим министрлиги ушул тапта Кыргызстанда 23 жогорку окуу жай медициналык багыттарда адистерди даярдап жатканын билдирди. Анын алтоо мамлекеттик. Он жети менчик жогорку окуу жайдын үчөөнүн лицензиясы бар, бирок студенттери жок. Мамлекеттик медициналык ЖОЖдордо 23 миң 12, менчик окуу жайларда 16 миң 839 студент окуйт. Студенттердин 77 пайызы же 31 миң 786сы чет элдиктер. Анын ичинен: Индиянын жарандары – 14 456, Казакстандын жарандары – 571, Пакистандын жарандары – 9725, Орусиянын жарандары ... Читать дальше...

Украинанын президенти Владимир Зеленский АКШнын Конгрессинин эки палатасындагы кайрылуусунда, Киев күн сайын орус аскерлеринин аткылоосуна кабылып жатканын маалымдап, бирок алар жеңилбей турганын айтты. Ал украиндер Орусиянын агрессиясына 24-февралдан тарта эле эмес, 2014-жылы Крым аннексиялангандан бери каршылык билдирип келатканын эске салды. Зеленский бул жолу да Украинанын аба мейкиндигин жабууну суранды. Ал болбосо С-300 зениттик-ракеталарына жана авиациялык соккуларга каршы туруу системасы менен камсыздоону өтүндү. Читать дальше...

Өзгөн районунун тургуну Гүлмира төрт баласын жалгыз тарбиялайт. Үчүнчү кызы Казакстанда төрөлгөндүктөн күбөлүк ала албай келет. Учурда адвокат жалдап кызына күбөлүк алуу аракетин көрүп жүрөт. "Азаттыктын" кабарчысы жалгыз бой эненин бир күндүк турмушу менен таанышып кайтты.

Өкмөттүн басма сөз кызматы билдиргендей, "Туризмди өнүктүрүүнү колдоо фонду" ачык акционердик коому түзүлүп, анын уставдык капиталы 1 млрд. сом деп белгиленди.  Тиешелүү чечимге Министрлер кабинетинин төрагасы Акылбек Жапаров кол койду.  Фонд ички туризмди өнүктүрүүгө багытталган демилгелерди ишке ашыруу менен алектенет. Мындан тышкары фонд региондордо туристтерди кабыл алуу үчүн инфраструктураны жакшыртууга, алыскы аймактарда кошумча жумуш орундарын түзүүгө, калктын социалдык жактан аялуу катмарын... Читать дальше...

Киев облусунун тургуну Сергей Перебейнис орус күчтөрүнүн чабуулунан улам жубайы Татьянадан жана уулу менен кызынан айрылды. Анын үй-бүлөсү 7-мартта Ирпень шаарынан чыгып кетүүгө аракет кылып жатканда орус армиясынын аткылоосуна кабылган. Эң жакын адамдарынан ажыраган Сергей «Настоящее время» телеканалына үй-бүлөсүнүн башына түшкөн мүшкүл тууралуу айтып берди.

Кыргызстандыктар сезондук айыл чарба иштерине мигранттарды тарткан британдык программага катышуу мүмкүнчүлүгүн алышты. Буга байланыштуу макулдашууга Министрлер кабинетинин төрагасынын орун басары Эдил Байсалов катышканын өкмөттүн басма сөз кызматы бүгүн, 17-мартта кабарлады. Документке Кыргызстандын Эмгек, социалдык камсыздоо жана миграция министрлигине караштуу Жарандарды чет өлкөдө ишке орноштуруу борбору менен AGRI HR компаниясы кол койду. Байсалов бул кызматташтык кыргыз-британ мамилеcин бекемдей турганын белгиледи. Читать дальше...

Кыргызстандын тышкы иштер министри Руслан Казакбаев 16-мартта Украинанын Кыргызстандагы элчиси Валерий Жовтенкону кабыл алды.  Министрликтин басма сөз кызматы билдиргендей, анда Украинадагы кырдаал талкууланды. Казакбаев Кыргызстан ар кандай чыр-чатакты саясий-дипломатиялык жол менен гана чечүүнү колдой турганын билдирди. Орусия менен Украинанын өкүлдөрүнүн ортосунда жүрүп жаткан сүйлөшүүлөрдү кубаттап, кыргыз тарап да аянтча түзүүгө жана зарыл болгон учурда жардам көрсөтүүгө даяр экенин кошумчалады. Читать дальше...

Орусиянын Украинага бастырып кириши Москва менен Нур-Султандын мамилесин өзгөртөбү? Эмне үчүн Казакстандын президенти Касым-Жоомарт Токаев сырт жактан да, өлкөнүн ичинде да улам катуу кысымга кабылууда? Кытай Борбор Азиядагы өзүнүн позициясын күчөтөбү? Ушул жана башка суроолорду бул аптада батыш ЖМКлары көтөрүп чыкты. Токаевдин “сактыгы”, Орусиядан оолактоо чакырыктары "Казакстандын президенти Касым-Жоомарт Токаев Орусиянын Украинага бастырып кирген кезинде Кремлдеги “эмне кылып жиберери белгисиз” шериктешин да... Читать дальше...

Жогорку Кеңештин депутаты Дастан Бекешев парламенттин жыйынында саламаттык сактоо министри Алымкадыр Бейшеналиевдин коомдук жайлардагы жүрүм-турумуна, башка кесиптештери тууралуу айткандарына өлкө жетекчилери реакция жасашы керек экенин айтты. "Жарандар бийлик эмне кылып жатканын карап турат. Эгер бийлик өкүлдөрү кимдир бирөөгө каршы чыгып, белгилүү, урматтуу дарыгерди кемсинтүүгө барса, башкалар дагы ошондой кылат. Саламаттык сактоо министри чектен чыгып, өзүн адаттан тыш алып жүрсө, ага президент реакция кылыш керек. Читать дальше...

Жогорку Кеңештин депутаты Сеид Атамбаев парламенттин 17-мартындагы сессиясында 20 жыл мурда болгон Аксы окуясына токтолуп, азыркы бийликти эки жүздүүлүк үчүн сындады. Ал ошондой эле Кой-Таш окуясы боюнча сотту создуктурбай жыйынтыктоого чакырды. "17-март бизге унутулгус күн болду. Акаевдин режиминен алты киши көз жумуп, канчасы жараат алды. Ал (Акаев - ред.) келип ичип-жеп, каткырып күлүп качып кетти. Кичине эки жүздүүлүк болуп калды. Негизи Акаевди алып келип, эл алдында кечирим суратыш керек болчу. Читать дальше...

Украинадагы согушка байланыштуу Батыш өлкөлөрү Орусияга салган экономикалык санкциялардын таасири Кыргызстанга да тийе баштады. Буга байланыштуу кыргыз өкмөтү антикризистик чараларды иштеп чыкты. Кыргыз экономикасын алдыда кандай тобокелдиктер күтүп жатат жана андан чыгуунун кандай жолдору бар?  “Арай көз чарай” талкуусу ушул жана башка суроолорго жооп издеди. Талкууга Экономика жана коммерция министри Данияр Амангелдиев, Соода түйүндөр ассоциациясынын президенти Дамира Дөөлөталиева, Акча алмаштыруучу... Читать дальше...

16-мартта Т. Сатылганов атындагы Улуттук филармонияда Кыргыз Республикасынын Эл артисти Ашыраалы Айталиевдин 95 жылдыгына арналган республикалык айтыш өттү.  Айтыштын тандоо турунан өткөн 12 акындын ичинен Амантай Кутманалиев баш байгеге ээ болуп, 200 миң сом акчалай сыйлык менен сыйланды. Биринчи орунду төкмө акын Акматбек Султан уулу(150 миң сом), экинчини Баян Акматов ээлесе, (100 миң сом) үчүнчү орунга Мамбеттокто Мамбеторозо татыды. (50 миң сом). Ал эми айтышка катышкан калган сегиз акын... Читать дальше...

Алмазбек Атамбаевдин бийлиги учурунда президенттик аппаратты жетектеген Фарид Ниязовдун жакындары, партиялаштары Бишкектеги Максим Горький атындагы скверде митинг өткөрүп жатат. Алар "Ниязов негизсиз камакта отурат" деп, сот адилеттигин талап кылууда. Митингге чыккандар “Фарид Ниязовго эркиндик”, “соттор адилеттүү чечим чыгаргыла”, “Бийликтин келечеги адилеттүүлүктө” жана “Биз мыйзамсыздыкка каршыбыз” деп жазылган плакаттарды кармап турат. Ниязовдун бир туугандары анын ден соолугу солгундап турганын... Читать дальше...

Жогорку Кеңештин депутаты Бакыт Төрөбаев Аксы окуясына тийиштүү баа берилбей жатканын парламенттин 17-марттагы сессиясында айтып чыкты. Ал окуясына катышкандарга "Баатыр" наамын берүүнү сунуштады. "Аксы окуясына катышкандарга "Баатыр" наамын ыйгарууну мен буга чейин дагы көтөргөм. 2018-жылы дагы ушундай талап менен чыгып, аткарылган эмес. Эскерүү иш-чаралары өтүп, көңүл бурулуп жатканы жакшы жышаан. Бирок Апрель окуялары сыяктуу Аксы окуясына дагы баа берилиши керек". 2002-жылдын 17-мартында Аксыда бийликке каршы чыккан элге ок атылып... Читать дальше...

Орусиянын Кыргызстандагы элчилигинин алдына митингге чыккан укук коргоочулар Өндүрүш Токтонасыров, Динара Ошурахунова, Азиза Абдирасулованы милиция кармап кетти. Маалыматты "Кылым шамы" укук коргоо уюумунун жетекчиси Гүлшаир Абдирасулова "Азаттыкка" ырастады. Бүгүн, 17-мартта айрым жарандык активисттер, укук коргоочулар элчиликтин алдында Украинаны колдоо максатында акцияга чыгышкан. Милиция азырынча комментарий бере элек. Акыйкатчы институтунун кызматкерлери укук коргоочуларды кармап кеткен... Читать дальше...

Кыргызстанда доллардын курсу салыштырмалуу арзандады. Коммерциялык банктарда доллар 98-101 сомго, евро 108-111 сомго сатылууда. Рубль 0.89-1,1 болууда. Улуттук банктын расмий сайтында доллардын курсу 104,96 - 105 сом, евро 115,35 сом, рубль 91-92 сом деп көрсөтүлгөн. Кыргызстандын Улуттук банкынын төрагасы Кубанычбек Бөкөнтаев апта башында “Орус рублинин кыргыз сомуна карата расмий курсун аныктоо тартибин убактылуу өзгөртүү жөнүндө” токтомго кол койгон. Ага ылайык, сом менен рублдин курсу... Читать дальше...

Кыргызстандын Баткен, Ош жана Жалал-Абад облустарында жергиликтүү ишкер аялдардын "Ишкер Айымдар - Айылдан ааламга!" деген аталыштагы форуму өттү. Анда мамлекеттик органдардын жана коомдук уюмдардын өкүлдөрү 2022-2026-жылдаргы аялдардын ишкердигин колдоо жана өнүктүрүү программасы тууралуу айтып беришти. Аны ишке ашыруунун кадамдары жана мамлекеттин колдоосу тууралуу маалымат берилди. Иш-чаранын негизги максаты - үч аймактагы ишкер айымдарга жаңы мүмкүнчүлүктөрдү жана идеяларды берүү. Форумга жалпы 350дөн ашык айым катышты. Читать дальше...

"Ош электр" ишканасындагы коррупция фактысы боюнча козголгон кылмыш ишинин алкагында эки кызматкер кармалды. Бул тууралуу Башкы прокуратуранын басма сөз кызматы билдирди. Расмий маалыматка караганда, "Ош электрдин" инспектору жана Өзгөн РЭСнин башкы инженери кармалып, убактылуу тергөө абагына киргизилген. Буга чейин ушул иштин алкагында ишкананын мурдагы жетекчиси жана Ноокат электр станциясынын мурдагы жетекчиси кармалган. Башкы көзөмөл органдын маалыматына ылайык, "Ош электрдин" кызматкерлери... Читать дальше...

Жогорку Кеңештин депутаты Дастан Бекешев парламенттин жыйынында саламаттык сактоо министри Абдыкадыр Бейшеналиевдин коомдук жайлардагы жүрүм-турумуна, башка кесиптештери тууралуу айткандарына өлкө жетекчилери реакция жасашы керек экенин айтты.  "Жарандар бийлик эмне кылып жатканын карап турат. Эгер бийлик өкүлдөрү кимдир бирөөгө каршы чыгып, белгилүү, урматтуу дарыгерди кемсинтүүгө барса, башкалар дагы ошондой кылат. Саламаттык сактоо министри чектен чыгып, өзүн адаттан тыш алып жүрсө, ага президент реакция кылыш керек. Читать дальше...

Аксыда 2002-жылдын 17-мартында бийликке каршы чыккан элге ок атылып, алты адам каза тапкан. Быйыл кандуу окуяга 20 жыл болду. Бул датага байланыштуу президент Садыр Жапаров кыргызстандыктарга кайрылуу жолдоду. Мамлекет башчы 2002-жылдагы Аксы окуясы Кыргызстандын эгемен мезгилдеги тарыхында орчундуу орунду ээлеген, коомдук аң-сезимдин багытын белгилүү нукка бурган окуялардын бири экенине токтолгон. Авторитардык жана коррупцияга чырмалган режимге каршы аксылыктар чечкиндүүлүк, каармандык менен күрөшкөнүн... Читать дальше...

Саламаттык сактоо министрлиги соңку бир суткада Кыргызстанда коронавирус дагы 13 адамдан аныкталганын билдирди. Алардын эң көбү Бишкекте – он киши. Чүйдө эки, Ош облусунда бир адамдан табылган. Калган аймакта жаңы учурлар катталган жок. Вирустан дагы бир бейтап каза болду. Ушуну менен өлкөдө пандемия башталгандан бери расмий эсепте COVID-19 жуккандардын саны 200 миңден ашты, 2976 адам каза болуп, 196 миңге жакыны сакайып чыкты. Ушул күндөрү 109 бейтап ооруканада, 122 адам үйүндө дарыланууда. Читать дальше...