Владата не го менува предлогот, се чека утрешната средба Димитров-Коѕијас
Владиниот портпарол Миле Бошљаковски денеска унформираше дека ставот на Владата во однос на последниот предлог за името останува ист пред утрешната средба меѓу министрите за надворешни работи Никола Димитров и Никос Коѕијас.
„Да ја почекаме средбата од која ќе имаме официјална информација што ќе ја споделиме со јавноста. Сметаме дека дадениот предлог од наша страна по лидерската средба ги одразува севкупно сите аспекти што се потребни за да се заштити идентитетот, и на македонскиот народ, меѓутоа ги одразува и сите останати делови кои ја обележуваат Македонија како мултиетничка држава. Сметаме дека тоа е добар предлог за конечно решение, рече Бошњаковски.