Украински новинар осуден на 12 години затвор во Русија
Руски суд го осуди украинскиот новинар Роман Сушченко на 12 години строг затвор поради шпионирање, во случај за кој украински активисти за човекови права велат дека е политички мотивиран. Сушченко, дописник од Париз за новинската агенција Укринформ, беше уапсен во Москва во 2016 година, под сомнение за собирање на класифицирани информации. Тој се изјасни дека е невин на почетокот на неговото судење во март.
Официјален Киев, активисти за човекови права и западните влади велат дека Русија затворила неколку Украинци со политички мотивирани обвиненија откако Москва го презеде Кримскиот Полуостров во март 2014 година.