Трамп го потпиша повторното воспоставување санкции за Иран
Претседателот на Соединетите Американски Држави Доналд Трамп нареди повторно воспоставување на финансиски санкции за Иран. Во денешното соопштение Трамп ги наведува неговите добро познати позиции дека договорот од 2015 година меѓу Техеран и светските сили е лош и едностран.
Претседателот ги повлече САД од договорот во мај годинава, наведувајќи дека Иран не се однесува во согласност со договорот и побара воспоставување на санкциите кои беа прекинати со неговото потпишување.
Официјални претставници на САД претходно изјавија дека како дел од санкциите, иранската Влада од 7 август нема да може да купува американски банкноти. Тие додадоа дека ќе бидат наметнати санкции кон индустријата на земјата, вклучително кон познатите персиски теписи.