Новости за 06.08.2018

Владата подготвува интензивна информативна кампања со цел да се приближи суштината, карактерот на договорот со Грција и да се информира јавноста најдетално за секој граѓанин да може да донесе одлука базирана на информации на референдумот, најави советникот на премиерот за надворешна политика Дане Талески.  “Во таа смисла веќе неколкупати премиерот зборува за договорот исто така и различни министри, а поентите се дека државјанството според договорот останува македонско, дека македонскиот идентитет и македонскиот јазик е целосно заштитен... Читать дальше...

Мал процент од младите користат некаков вид на контрацепција, а како причини се наведуваат недоволната информираност и пристап до контрацепција, како и предрасудите и срамот за тоа отворено да се зборува.

Европскиот стабилизациски механизам денеска соопшти дека ја исплатил последната транша од помошта за Грција во висина од 15 милијарди евра. Во соопштението на механизмот се посочува дека од вкупната сума, 9,5 милијарди се наменети за создавање на фонд, кој треба да и помогне на Грција за покривање на финансиските потреби за период од речиси две години. Останатите 5,5 милијарди евра од средставта се предвидини за исплата на доспеаните рати од кредитите на Грција. Според директорот на Европскиот стабилизациски механизам... Читать дальше...

Русија соопшти дека го повикала грчкиот амбасадор во Москва за да го информира за “реципрочни мерки” откако Атина минатиот месец протера двајца руски дипломати поради сомнение за вмешување во односите меѓу Грција и Македонија. Руското министерство за надворешни работи на грчкиот амбасадор Андреас Фриганас му предало дипломатска нота во која го информира за мерките преземени од Москва како одговор на грчките непријателски акции кон руските дипломати и граѓани во јули, пишува во денешното соопштение од руското министерство. Читать дальше...

Претседателот на Соединетите Американски Држави Доналд Трамп нареди повторно воспоставување на финансиски санкции за Иран. Во денешното соопштение Трамп ги наведува неговите добро познати позиции дека договорот од 2015 година меѓу Техеран и светските сили е лош и едностран. Претседателот ги повлече САД од договорот во мај годинава, наведувајќи дека Иран не се однесува во согласност со договорот и побара воспоставување на санкциите кои беа прекинати со неговото потпишување. Официјални претставници... Читать дальше...

Најмалку две лица загинаа, а околу 60 се повредени во експлозија и пожар до кои дојде по сообраќајна несреќа во близина на аеродромот во Болоња, соопшти италијанската полиција. Локалните медиуми јавуваат и дека меѓу повредените има и со тешки повреди. Според пишувањата до експлозијата и до пожарот дошло по судирот на цистерни со гориво и неколку автомобили. Делот од патот е уништен, а урнат е и надвозник. Полицијата претходно соопшти дека автопатот на кој се случи несреќата е затворен.

Руското Министерство за надворешни работи денеска соопшти дека го повикало на разговор грчкиот амбасадор во Москва Андреас Фриганас. Во соопштението на Министерството се наведува дека на амбасадорот му бил пренесен одговорот на Русија на „непријателските активности што Атина ги изврши во текот на јули“.  Грчките власти минатиот месец протераа двајца руски дипломати и на двајца други им забранија влез во Грција, под обвинение за обид за поткуп на официјални лица и за поттикнување протести против договорот за името со Македонија.

Српскиот министер за надворешни работи Ивица Дачиќ го критикуваше Израел откако нивни воени авиони учествуваа во церемонијата во Хрватска со која се одбележуваше годишнината од хрватската воено-полициска операција Олуја. Тажно е што израелски воени авиони беа вклучени во прославата на криминалната акција, рече Дачиќ денеска за белградската телевизија Пинк. Три израелски авиони беа вклучени во вчерашната прослава со која се одбележаа 23 години од операцијата Олуја со која Хрватска ја врати контролата... Читать дальше...

Некогашниот висок функционер во поранешна Југославија и некогашен советник на актуелниот косовски претседател Хашим Тачи, адвокатот Азем Власи, смета дека размена на територии меѓу балканските држави не е возможна, бидејќи тоа прашање е веќе затворено, јави дописникот на МИА од Приштина. Како што пренесоа косовските медиуми, Власи во интервју за Радио Сараево, изјави дека српските власти, предводени од претседателот Александар Вучиќ, постојано потпалувале непотребни кризи во регионот, иако знаеле дека Косово... Читать дальше...

Европската Канцеларија за поддршка на азил (ЕАСО) за МИА изјави дека е значајно опаднат бројот на барања за азил со потекло од Македонија во земјите на Европската Унија, во последните шест месеци.  Како што јави дописничката на МИА од Брисел, во јануари 480 македонски државјани побарале азил во Европа, во јуни оваа бројка паднала на 276. Во меѓувреме, барањата за азил по месец се следните: февруари – 372, март – 467, април – 392 и мај – 319. Канцеларијата не коментира за основите, ниту причините поради кои лицата бараат азил... Читать дальше...

Истакнат американски сенатор, за време на посета во Москва, изјави дека САД треба да имаат повеќе дијалог со Русија и да ги одржуваат отворени комуникациските линии. „Дел од моето патување тука и мојата цел да дојдам во Русија е да кажам дека треба да имаме дијалог“, изјави денеска републиканскиот сенатор Ренд Пол од Кентаки, кој е и член на Комитетот за надворешни работи на Сенатот. Говорејќи на средба со членови на Комитетот за меѓународни прашања во Горниот дом на Парламентот, Советот Сенна федерацијата... Читать дальше...

Договорот од Преспа заслужува Нобелoва награда, бидејќи создаде нов модел за решавање на меѓународни спорови поврзани со идентитетските прашања, вели политичкиот аналитичар и поранешниот член на Меѓународната кризна група, Едвард Џозеф.  Тој истакнува дека вистинската причина поради која овој договор заслужува Нобелова награда не е само затоа што конечно решава еден проблем, туку бидејќи создава нов модел за решавање на меѓународните спорови кои се поврзани со идентитетски прашања. „Помислете... Читать дальше...

Двајца жители на Битола, заедно со засега непознати лица, се осомничени дека за време на прославата на одбележувањето на државниот празик Илинден на Мечкин камен во Крушево, употребувале говор на омраза кој бил забележан на видео запис и емитуван на една од националните телевизии, соопшти денеска Основното јавно обвинителство Прилеп.  Во соопштението е наведено дека во обвинителството е пристигната кривична пријава против лицата, поднесена од страна на МВР - СВР Битола за „предизвикување омраза... Читать дальше...

Лидерот на групата за која се верува дека е зад хакирањето на профили на високи претставници, вклучително и на рускиот премиер Дмитриј Медведев, е ослободен од затвор. Владимир Аникеев – шефот на групата наречена „Шалтаи Болтаи“ (Humpty Dumpty), на 3 август е ослободен од притворниот центар Лефортово во Москва, изјави денеска неговиот адвокат Руслан Коблев. Официјалната претставничка на окружниот суд во Лефортово Јелена Бичкова рече дека Аникеев бил ослободен од затвор според новиот закон со... Читать дальше...

САД денеска планираат да го објаснат новиот пакет санкции против Иран со нови ограничувања. Американскиот државен секретар Мајк Помпео изјави дека САД „ќе ги спроведе санкциите“ кои повторно ќе бидат воведени откако претседателот Доналд Трамп се повлече од нуклеарниот договор од 2015 година, кој Иран го потпиша со шест светски сили. Помпео, кој беше на пат кон Вашингтон откако присуствуваше на самит во Сингапур, рече дека Белата куќа ќе ги објасни санкциите во денешно соопштение. Официјални претставници... Читать дальше...

Евентуална размената на територии меѓу Косово и Србија може да ги подгрее аспирациите на некои сили во Македонија кои се за поделба на земјата. Членството во НАТО, од друга страна, би значело стабилност за Македонија, сметаат експерти.

На социјалните мрежи во тек се кампањите за повик на граѓаните да излезат на референдум, но и за бојкот на гласањето. Според експертите, оние кои се за бојкот дејствуваат за земји кои не се членки на ЕУ и НАТО и работат во прилог на ВМРО-ДПМНЕ која потајно не сака референдумот да успее. Владата се уште официјално не ја започнала кампањата, што им оди во прилог на оние кои се за бојкот.

Претседателот на косовското Собрание Кадри Весели тврди дека поделба на Косово под ниту едни околности нема да биде тема на дијалогот, наведувајќи дека финалниот дел од преговорите ќе донесат признавање на Косово и членство во ОН. „Косово ќе учествува во дијалогот, така што финалниот дел од преговорите ќе обезбедат меѓународно обврзувачки договор, што ќе донесе признавање на Косово и место во ОН. Тоа е наша заедничка агенда со САД и со ЕУ. „Нема да има никаква поделба на Косово. Нема да разговараме за тоа прашање. Читать дальше...

Претстојниот референдум за Договорот за името со Грција ја поларизира јавноста. Жестоки коментари за и против договорот.

Јапонија денеска одбележува 73 години од американскиот нуклеарен напад врз Хирошима, што беше прв таков напад во историјата на човештвото. Од 6 август 1945 година кога беше фрлена атомската бомба врз овој град, со што се забрза крајот на Втората светска војна, од повреди и болести причинети од радијацијата настрадаа над 140.000 луѓе. Три дена по бомбардирањето на Хирошима, САД фрлија атомска бомба и врз Нагасаки каде што настрадаа околу 74.000 луѓе.

Американскиот државен секретар Мајк Помпео изјави дека САД биле загрижени од извештаите оти иранските власти користеле „насилство против невооружени граѓани“ на протестите во Техеран и во другите градови поради економските тешкотии во земјата. Тој додаде дека САД го поддржува правото на Иранците да протестираат против корупцијата на режимот. Засега не е можно да се добијат потврдени информации, меѓутоа иранските медиуми јавуваат дека најмалку еден демонстрант загинал за време на протестите.

Москва силно го осуди обидот за атентат врз претседателот на Венецуела Николас Мадуро и оцени дека тоа е чекор кон дестабилизација на ситуацијата во таа земја. Две експлозии одекнаа во саботата додека Мадуро зборувал на една воена церемонија што ја пренесуваше државната телевизија. Мадуро потоа изјави дека преживеал напад со дрон а за атентатот го обвини претседателот на Колумбија Хуан Сантос. Мадуро не бил повреден во нападот.

Најмалку 142 лица загинаа, а стотици други беа повредени откако вчера земјотрес со 7 степени го погоди индонезискиот остров Ломбок. Властите соопштија дека земјотресот направил огромни штети на северот на островот и оти бројот на жртвите може да се зголеми, бидејќи спасувачите сè уште не стигнале до некои области. До ова дојде само по неколку дена откако уште еден земјотрес го погоди Ломбок, популарна индонезиска туристичка дестинација, при што загинаа најмалку 16 лица.

Американскиот претседател Доналд Трамп во неделата призна дека неговиот син се сретнал со Руси во 2016 година во Трамп кула за да добие информации за неговиот противкандидат Хилари Клинтон. Според Трамп, станува збор за „целосно легална практика која се прави постојано во политиката“.

Во Грција биле сменети началниците на полициските сили и на пожарникарски бригади по кобните пожари на Атика во кои загинаа најмалку 90 луѓе. Функциите на тие две служби ги преземаат нивните заменици, соопштија од Кабинетот на премиерот Алексис Ципрас. Во соопштението пожарот во Мати не се споменува директно. Под притисок на јавноста во петокот оставка поднесе министерот за јавен ред Никос Тоскас.