Десетици убиени во напад во Авганистан
Авганистанските власти објавија дека стотици талибански милитанти извршиле напад во област во северозападната провинција Бадхис, при што загинале десетици владини војници и полицајци. Варис Шерзад, гувернерот на областа Бала Мургаб, изјави дека најмалку 30 лица за безбедност се убиени откако талибанците го започнале нападот. Тој рече дека борбите се во тек. Абдул Азиз Баиг, шеф на провинцијата Бадгис, рече дека талибанските борци завзеле неколку безбедносни контролни пунктови надвор од седиштето на владата во Бала Мургаб. Тој посочи дека единствено штабот на полицијата и базата на авганистанската армија останале под контрола на владата.
Министерството за одбрана објави дека владините сили "тактички се повлекле" од контролните пунктови за да се спречат цивилни жртви. Министерството соопшти дека наредило повеќе воздушни напади врз талибанските позиции.