Ердоган: Европа и САД да си седат кај што се
Претседателот на Турција, Реџеп Таип Ердоган, ги обвини Европа и САД дека се мешаат во внатрешните работи на Турција по нивните коментари во врска со резултатите од локалните избори во земјата, на кои неговата партија може да ја зaгуби власта во Истанбул и Анкара.
„Америка и Европа, кои се мешаат во нашите внатрешни работи, треба да си седат таму каде што се“, рече Ердоган, чија Партија за правда и развој (АКП) иако општо води на локалните избори што се одржаа во неделата, според прелиминарните резултати, ги губи Анкара и Истанбул, двата најголеми града во земјата.