В недела инаугурација на Пендаровски
Собраниската седница на која ќе биде инаугуриран новоизбраниот претседател Стево Пендаровски ќе се одржи во недела на 12 мај. Пред народните избраници Пендаровски ќе даде свечена изјава со што и официјално ќе го започне мандатот и ќе стане петтиот претседател на државата.
Пендаровски, кој беше поддржан од СДСМ и коалицијата, на вчерашниот втор круг од претседателските избори освои 436.212 гласа или 51,66 отсто од гласовите на граѓаните кои излегоа на гласање.